Trimester Dahuluk 2020, FP Monu Tokon $844

Vise Governadór Banku Sentra Timor Leste (BCTL) Venancio Maria Alves ko'alia ba jornalista sira iha Ministeiru Finansas Ai Tarak Laran Dili (14/7) Vise Governadór Banku Sentra Timor Leste (BCTL) Venancio Maria Alves ko'alia ba jornalista sira iha Ministeiru Finansas Ai Tarak Laran Dili (14/7) Foto Tempo Timor

Tempotimor (Dili)-Vise Governadór Banku Sentra Timor Leste (BCTL) Venancio Maria Alves informa, iha trimestre dahuluk tinan 2020 nian, Fundu Petrolífeiru (FP) monu tokon $844.

Maske monu, maibé, nia hatutan, hahú husi fulan Marsu 2020, hetan rekoperasaun.

“Fundu Petrolífeiru iha trimestre dahuluk ninia valór ne’e monu tokon $844, depois de trimestre primeiru, hahú husi fulan Marsu mai komesa rekopera fila fali ona,” dehan Vise Governadór BCTL ba jornalista sira iha Ministériu Finansas, Aitarak Laran Dili, Tersa (14/07).

Nia hatete, iha Maiu 2020 total balance FP nian hamutuk Billiaun $17.8.

“Entaun valór negativu husi tokon $844 ne’e ita rekopera fali ona sorin. Rekoperasaun ida ne’e, kontribuisaun husi merkadu asoens, tanba MSI I World ita adopta, entaun nia sa’e fali mais de pursentu 7, maibé sa’e ida ne’e, previzaun merkadu internal sei iha teritóriu negativu katak, seidauk rekopera totál. Entaun bola atividade merkadoria ne’e sei kontinua, tanba Covid ne’e rasik mak sei kontinua,” nia dehan.

Vise governadór ne’e mós dehan, impaktu ba valór FP monu, tanba Covid ne’ebé mós halo nasaun hotu implementa lockdown.

“Impaktu ba valór FP monu, tanba Covid inklui nasaun hotu lockdown, entaun atividade ekonómiku ladun la’o di’ak, par demanda ba sasan sira ne’ebé bolu international demand and splay change ne’e xumba tiha, entaun atividade ekonomia mundiál ne’e ladun la’o ho di’ak, entaun impaktu merkadu internasional monu,” dehan nia.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.