CCI-TL Hato'o Preokupasaun Ba PN

Prezidente Kámara  Komérsiu no Indústria Timor-Leste (CCI-TL), Oscar Lima ko'alia ba Jornalista sira hafoin remata enkontru ho Prezidente Parlamentu Nasional, Dr. Aniceto Guterres iha Uma Fukun PN (22/7) Prezidente Kámara Komérsiu no Indústria Timor-Leste (CCI-TL), Oscar Lima ko'alia ba Jornalista sira hafoin remata enkontru ho Prezidente Parlamentu Nasional, Dr. Aniceto Guterres iha Uma Fukun PN (22/7) Foto Tempo Timor

Tempotimor (Dili) - Prezidente Kámara  Komérsiu no Indústria Timor-Leste (CCI-TL), Oscar Lima, hasoru malu ho Prezidente Parlamentu Nasionál (PN), Aniceto Guterres, hodi hato'o preokupasaun kona-ba lei CCI-TL.

Oscar  hatete, antes ne'e Kámara Komérsiu no Indústria Timor-Leste iha ona rezolusaun númeru 17/2012, ne'ebé previstu iha rezolusaun governu nian.

Maibé, nia dehan, rezolusaun ne'e presiza muda fila-fali ba lei ka dekretu lei, nune'e bele garante instituisaun CCI-TL iha futuru.

Nia esplika, durante ne'e rezolusaun númeru 17/2012 ne'ebé previstu iha rezolusaun governu nian ladún benifisia ba regulamentu CCI-TL.

"Ami hakarak atu husu Parlamentu Nasionál muda rezolusaun númeru 17/2012 ba lei ka  dekretu lei, ba instituisaun CCI-TL nian," dehan Prezidente CCI-TL, Oscar Lima, iha Parlamentu Nasionál, Kuarta (22/7).

Kona-ba atu halo lei ne'e, nia dehan, agora daudauk parte husi CCI-TL mós prepara ona advogadu atu halo relatóriu pareser hodi bele aprezenta ba PN.

Ba kestaun ne'e, Prezidente PN, Aniceto Longuinhos Guterres hateten, husi sira-nia parte prontu atu apoiu hodi diskute lei ba CCI-TL. (*)

Rate this item
(0 votes)
Last modified on Wednesday, 22 July 2020 13:21
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.