"Kuandu Munisípiu 14 ne'e ba ailaran moris ho espíritu kooperativismu halo to'os depois ita tau hamutuk hodi distribui ba ema, tanba ne'e mak ita nia maun boot sira iha ailaran, ita sira ne'ebé iha vila tau hamutuk ropa rohan sabaun rohan ho hahán oituan hodi tulun e ita luta to'o ita manán", dehan nia iha merkadu Sub Rejiaun Passabe (16/03).

Elizário Ferreira hato'o kestaun ne’e bainhira observa diretamente membru SEKOOP fó treinamentu jestaun kooperativa no kontabilidade ba dirijente kooperativa sira iha passabe.

Tinan 1990 mosu kreditu uniaun ne'ebé amu lulik Albert Karim amu jezuita no ema alemaña nia mak lori mai iha Timor nia mate iha loron 08 fulan-setembru milísia mak tiru nia iha nia Rezidénsia rasik.

"Bainhira nia to'o iha Indonézia nia tempu iha kooperativa tipe oin tolu, ida mak ema bolu KUD (kooperasi unit desa ida mak simpan pinjam no kreditu uniaun", nia firma.

Kooperativa rua hanesan de'it, maibé ida KUD ne'e tau estadu nia osan, no kreditu uniaun ne'e membru sira nia osan mak tau iha ne'ebá.

Hafoin funu, kréditu uniaun kontinua eziste, maibé rua seluk mate, tanba depende de'it ba osan estadu nian.

"Tanba saida mak mate, tanba estadu ida atu fo tán osan ba sira ne'e la iha ona", nia haktuir.

Hafoin Timor ukun-aan Konstituisaun Repúblika Demokrátika Timor-Leste mós ko'alia kona-ba kooperativa, maibé tenke hahú inisiativa husi komunidade.

Hafoin ida ne'e iha tinan 2020 atuál Sekretáriu Estadu Kooperativa harii kooperativa kréditu uniaun tolu iha timor nia kontinua to'o 2010 kooperativa kréditu uniaun hamutuk 29.

"Agora husi tinan 2020 mai to'o ohin loron ita iha kréditu uniaun hamutuk 127 no kooperativa produsaun hamutuk iha 325 no nia membru hamutuk 118.000 ho nia kapitál hamutuk (Kréditu Uniaun-44.000, no produsaun hamutuk 78.000

Kreditu uniaun nia kapitál hamutuk miliaun US$32, no produsaun hamutuk miliaun US$4, osan hirak ne’e mai husi membru sira.

Nune’e, kontinua nafatin konvida ema hotu atu sai membru kooperativa hodi bele sustentabilidade ba família no ekonomia. (*)