SEKOOP, Elizário Ferreira mós kontinjua motiva dirijente kooperativa, tanba konsidera sira mak sai dikin no hun ba kooperativa.
"Imi nia kooperativa ne'e tenke ba oin, satán joven de'it, imi Creditu Union hakarak ba multisetorál, kooperativa ne'e nia funsaun ida de'it, primeiru mak eduka membru sira hodi adota ba realidade, forma nia iha kapasita nia aan atende membru sira, terseiru mak hatudu dalan ba membru kooperativa sira hodi koñese merkadu", dehan nia iha suku poetete, kuarta (22/03).
Kooperativa iha Ázia ho nia moto mak one mission one vision one community, nune'e mós hanoin ida família ida, di'ak ida.
Kooperativa la'ós baze osan, maibé baze membru, tanba ne'e dirijente tenke tau prioridade ba membru sira hodi kotinua asegura koperativa CU-ROFUND ba oin.
Administradór postu ermera, Alexandre dos Santos husu ba dirijente atu kontinua serbisu hamutuk hodi kontinua tane kooperativa ba oin, tanba simu posse la'ós simu previlejiu, maibé simu responsabilidade.
"Ha'u apresia ba programa ida ne'e, tanba importante tebes, maibé ha'u iha filozofia tolu, hanoin hanesan, la'o hanesan, halo hanesan, prinisipiu tolu ne'e mak ita kaer metin kooperativa sei buras iha rai Timor, tanba iha futuru kooperativa sei garante nia sustentabilidade", nia esklarese.
Nune'e dirijente CU-ROFUND, Mariano dos Reis husu ba SEKOOP atu apoiu komputadór ba sira nia servisu administrasaun.
"Ami sujere de'it mak Sekretáriu Estadu Kooperativa bele ajuda ami liu-liu komputadór, no ida seluk mak ami iha ne'e la seguru, tanba iha ema ilegál sira atu mai estraga ami nia kantor, tanba ne'e bele hadi’a netik ami nia odamatan ho tau netik rede ruma”, nia husu
Kestaun ne’e SEKOOP, Elizário Ferreira husu ba direjente kooperativa sira bele halo proposta hodi hetan apoiu sira ne'ebé presiza.
Dadaun kooperativa CU-ROFUND iha membru 52 ho nia kapitál 200-resin. (*)