Login to your account

Username *
Password *
Remember Me

Sidadaun Timoroan Rihun 118 Envolve Setór Kooperativa

Sekretáriu Estadu Kooperativa (SEKOOP), Elizário Ferreira. Sekretáriu Estadu Kooperativa (SEKOOP), Elizário Ferreira. Foto Suplay

Tempotimor (Dili)-Sekretáriu Estadu Kooperativa (SEKOOP), Elizário Ferreira hateten sidadaun Timoroan hamutuk 118.000 mak envolve ona iha vida kooperativa liuliu Kooperativa Kréditu Uniaun no mós Kooperativa Produsaun sira.

"Total Kooperativa iha teritóriu laran hamutuk 452, kompostu husi Kooperativa Kréditu Union hamutuk 127 no Kooperativa Produsaun hamutuk 325 no membru Kooperativa hamutuk ema na’in 118.000", nia afirma iha Salaun Tiliomar, Kovalima, (17/02).

Husi Kooperativa hirak ne'e kapitál ne'ebé sira rai iha Kooperativa sira nia hamutuk miliaun US$38-resin.

Antes ne'e, sidadaun ladún barak mak envolve iha vida Kooperativa, maibé hafoin hetan formasaun husi parte Sekretária Estadu Kooperativa dada sidadaun hotu nia atensaun hodi envolve iha vida Kooperativa.

Iha loron 17/02 Sekretáriu Estadu Kooperativa kontinua apoiu formasaun kontabilidade ba Kooperativa Hadia Vida Moris (HAVIMOR) iha Tiliomar.

Husu ba dirijenti sira tenki iha karakter kooperativa katak, hahú humildade, dezenvolve ho honestidade, no kontrola ho simplesidade hodi kooperativa bele iha ninia sustentabilidade ba future.

Ikus liu SEKOOP apresia ho autoridade lokal sira, tanba involve direita kooperativa, espera katak hanesan motivasaun ida ba ninia povu sira atu involve iha vida kooperativizmu.

Iha tempu hanesan Administrador Munisípiu Covalima, Francisco de Andrade hateten, atu hrii kooperativa ne'e inisiativa tenki mai husi ema ida-idak nia fuan hodi kooperativa bele iha ninia sustentabilidade ba futuru.

Entretantu formasaun kontabilidade ba membru no dirijenti grupu produtivu sira durante semana ida hahú husi loron 13 to'o 17 Febreiru 2023. Grupu produtivu hamutuk 10 mak tuir formasaun, membru hamutuk ema na’in 38, kompostu husi feto na’in 10 no mane na’in 8. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter