Governu Fasilita Komunidade iha Ermera Asesu ba Bee Moos

By Tempo Timor February 20, 2023 725

font size decrease font size increase font size
Print
Email

Komunidade Aldria Kaisoru foto hamutuk hela ho ekipa SASCAS-PM. Foto Suplay

Tempotimor (Ermera)-Governu liuhusi Servisu Apoiu Sosiedade Sivil Auditoria Sosial-Primeiru Ministru (SASCAS-PM-sigla portugés) fasilita ona komunidade, iha Aldeia Kaisoru, Suku Mau-Ubu, Postu Administrativu Hatólia, Munisípiu Ermera, ne'ebé durante tinan 400 la asesu bee moos.

Tuir informasaun ne'ebé www.tempotimor.com asesu iha pajina ofisial SASCAS, segunda (20/02) katak, antes ne’e SASCAS liuhusi Assosiasaun Naroman Timor Foun (ANTF) atu instala ekipamentu bee moos nian, iha Munisípiu Ainaru, maibé parte SASCAS rekomenda dada bee moos ba uluk komunidade sira iha Aldeia Kaisoru, Suku Mau-Ubu, tanba siklu lima ona sira la asesu ba bee moos.

Nune'e ANTF hodi orsamentu ne'ebé Governu liuhusi SASCAS apoiu hamutuk US$49,000.00, aloka fali ba Aldeia Kaisoru hodi konstrui tanke koletór 1, tanke rezervatòriu 1, no tanki kapsaun 3, inklui instala pipa, bomba bee husi eñerjia solár painel.

Dadaum bee moos distribui ona ba tanke foun 3, ne'ebé fó asesu direita ba uma kain hamutuk 103 ho total populasaun na'in-571.

Xefe Aldeia Kaisoru José Babo Martins, sente kontente, tanba durante tinan 400-resin ona, foin maka iha Oitavu Governu Konstituisionál liuhusi SASCAS-PM hodi finansia ba Asosiasaun Naroman Timor foun dada bee ba komunidade. (*)

Rate this item

(0 votes)

Last modified on Monday, 20 February 2023 16:39

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com