Login to your account

Username *
Password *
Remember Me

BTL Normaliza Konesaun Bee Ilegál iha Baukau

Tekniku BTL,EP Baukau halo manutensaun ba Kanu bee-moos iha Munisipiu Baukau. Tekniku BTL,EP Baukau halo manutensaun ba Kanu bee-moos iha Munisipiu Baukau. Foto Suplay

Tempotimor (Dili)-Ekipa Tékniku Operadór Bee Timor-Leste, Empreza Públika (T.O-BTL, E.P) Munisípiu Baukau halo normalizasaun ba koneksaun bee ilegál, ne’ebé mak komunidade sira halo, iha área Merkadu Villa Nova, Munisípiu Baukau.

Tuir informasaun ne’ebé www.tempotimor.com, asesu iha pájina BTL, kuarta (10/08) katak, maske BTL, E.P partilla ona informasaun liuhusi meius oioin kona-ba labele halo ligasaun bee ilegál tamba hamenus ou halakon presaun bee nomós aktu refere kontra Dekretu Lei númeru. 4/2002 loron 11 fulan-fevereiru ne’ebé ko’alia kona-ba Aprova Rejime Fahe Bee ba Públiku, maibé komunidade sira nafatin laiha konsiénsia hodi komete hahalok koneksaun ilegál ne’e.

Ho nune’e hafoin identifikasaun ba ligasaun illegál ne’e, tékniku sira tun kedas ba terrenu hodi dezliga no halo normalizasaun, nune’e hodi garante bee bele to’o ba ema hotu.

Tuir informasaun husi terrenu katak tékniku sira mós identifika iha komunidade balun utiliza tanke rezervatóriu hanesan dapur, hodi te’in besik kedas iha instalasaun kanu ne’ebé liga ba tanke rezervatóriu, hodi afeta ba kanu ne'ebé liga ba rezervatóriu, tamba ne’e tékniku sira halo kedas intervensaun hodi hadi’a hikas fatin instalasaun iha área Merkadu Villa Nova Baukau nian.

Tuir planu tékniku sira sei halo manutensaun ba tanke rezervatóriu ne’ebé ho medida metru kúbiku 7,5 (7,5m3) ne’e, durante semana ida, nune’e bele enxe hikas bee ba rezervatóriu ne’e, nune’e hodi bele fornese ba komunidade sira iha área refere.

Iha parte lorokraik, tékniku operadór sira kontinua halo melloramentu ba kanu distribuisaun 2 ne'ebé identifika katak kanu ne'ebé ku'ak, aktu husi hahalok ligasaun ilegál, iha fatin ne'ebé hanesan, iha área merkadu Villa Nova Baukau.

Durante atividade melloramentu ne'e, tékniku sira konsege identifika mós foer barak mak iha kanu laran, nune'e hodi difikulta sirkulasaun bee durante ne'e ba komunidade sira, liuhusi liña distribuisaun refere. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter