Login to your account

Username *
Password *
Remember Me

SEKOOP Lansa Distribui Sesta Bázika Faze Daruak iha Aileu

Xefe Gabinete SEKOOP, Arlindo Marcal, ho Diretora Kompaña Ervel Lda, Amelia de Jesus Perreira entrega hela ai-hán Sesta Bázika ba Benefisiáriu, Joaquim de Jesus, iha Aileu. Xefe Gabinete SEKOOP, Arlindo Marcal, ho Diretora Kompaña Ervel Lda, Amelia de Jesus Perreira entrega hela ai-hán Sesta Bázika ba Benefisiáriu, Joaquim de Jesus, iha Aileu. Foto Tempo Timor

Tempotimor (Aileu)-Sekretária Estadu Kooperativa (SEKOOP) liuhusi Xefe Gabinete hamutuk ho Diretór Jerál sira halo lansamentu distribuisaun Sesta Bázika Faze daruak iha Munisípiu Aileu, Postu Administrativu Aileu Vila, Suku Malere.

Xefe Gabinete SEKOOP, Arlindo Marçal iha nia intervensaun hatete, distribuisaun Sesta Bázika ne'e impoin alimentar nutritivu ba sidadaun sira ne'ebé sofre iha tempu Covid-19 nia laran.

“Distribuisaun Sesta Bázika ne'e impoin husi alimentar ne'ebé nutritivu ne'ebé atu fó ba kada família, se funsionáriu karik ba ida ne'ebé funsionáriu saláriu mínimu $500.00, ne'ebé Sesta Bázika ne'e nia objetivu atu halo rekoperasaun ekonómika ba ema hotu, hanesan konsekuénsia ema sofre husi Covid-19”, dehan Arlindo iha Suku Malere, Postu Aileu, kuarta (10/08).

Tanba Sesta Bázika hanesan programa ida husi Governu konstitusionál daualu ne'ebé atu responde ba komunidade sira ne'ebé mak sofre husi Covid-19 nomós sofre inundasaun iha tinan kotuk liu ba.

Iha primeira faze ne'e rekoperasaun ba kompaña no negosiante sira, maibé iha faze daruak foka liu ba Kbi’it La’ek sira.

“Alende ne'e sei fó mós rekoperasaun ba emprezáriu sira negosiante sira, ba agrikultór sira, hanesan iha segunda faze ne'e ba ema ne'ebé kbi’it la’ek de'it mak iha oportunidade atu simu”, haktuir nia.

Adjuntu Administradór Munisípiu Aileu, Felix Maria Oliveira hatete, liuhusi distribuisaun ne'e atu kontinua enkoraza agrikultór sira hodi badinas halo tós no natar.

“Distribuisaun ohin bele kontinua fó esperansa fó motivasaun no enkoraza ita-nia sidadaun benefisiáriu sira atubele simu sesta bázika ida ne'e atu oituan ka barak Governu halo atu fó para dignifika setór produtivu sira liliu agrikultór tós na'in sira atu impoin atu servisu di'ak liután iha futuru mai”, dehan nia.

Bainhira sidadaun sira badinas halo tós sei bele sustenta nesesidade alimentasaun liliu iha Programa Sesta Bázika nian.

Nune'e mós dezafiu Governu Timor-Leste liliu Ministériu Implementadór Sesta Bázika ho responsável tanba mídia sira sempre halo ninia kobertura iha terenu.

“Governu sentrál liuhusi Sekretáriu Estadu Kooperativa SEKOOP atu enkuadra atubele implementa sesta bázika ba benefisiáriu sira. Ita hatene mídia mós halo ninia kobertura asume sira-nia papel ida mak dezafiu ba Governu liliu polítika distribuidór Sesta Bázika nian ne'e”, hatutan nia.

Distribuisaun Sesta Bázika faze daruak ne'ebé distribui iha Aileu marka mós prezensa husi AIFAESA (Autoridade de Inspeção e Fiscalização da Atividade Económica Sanitária e Alimentasaun) hodi halo inspesaun ba kualidade ai-hán sira ne'ebé kompaña fahe ba komunidade sira. (*)

Rate this item
(0 votes)
Last modified on Thursday, 11 August 2022 11:21
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter