Login to your account

Username *
Password *
Remember Me

PR Apoiu Kombustivel Litru 5.000 ba Programa Fila Rai iha Baukau

Diretór Jerál Prezidénsia Repúblika (PR) ho ekipa no Padre Elígio Locateli, foto hamutuk hafoin selebra akordu kona-ba entrega no simu kombustivel 5.000 iha Kolejiu Fatumaka, sesta (5/11). Diretór Jerál Prezidénsia Repúblika (PR) ho ekipa no Padre Elígio Locateli, foto hamutuk hafoin selebra akordu kona-ba entrega no simu kombustivel 5.000 iha Kolejiu Fatumaka, sesta (5/11). Foto Suplay

Tempotimor (Baukau)-Ekipa Prezidénsia Repúblika (PR) deside apoia kombustível hamutuk litru rihun-lima (5.000) ba Koléjiu Fatumaka, hodi utiliza ba programa fila rai ne'ebé destinadu husi suku hamutuk 5 iha Postu Administrativu Baukau Vila ho Venilale, Munisípiu Baukau.

Diretór Jerál Prezidénsia Repúblika, Domingos dos Santos Amaral hatete, husi mina (kombustivel) ne’ebé fó ba kolejiu fatumaka ne'e la’ós atu rezolve problema kombustível iha terrenu, maibé ne'e hanesan insentivu ida ba sira.

“Ohin ami lori kombustível ne’ebé oferese husi Prezidente Repúblika, oituan ka barak ne’e hanesan intensivu de’it maibé apoiu barak liu ne’e mai husi Governu, tanbá ne’e kna’ar Governu nian, Prezidente Repúlika, ajuda de’it tuir kbi’it hodi aguenta atu hein Governu nia intervensaun”, dehan nia hafoin entrega kombustivel litru 5.000 bá Padre Elígio Locateli, iha Kolejiu Fatumaka, sesta (04/11).

Ba apoiu ne’e disponibiliza tanba misionáriu sira laiha rezerva (stock) kombustível, hodi fila rai komunidade nian.

Ho apoiu ne’e, Padre Locateli hatete, sira-nia parte agaradese tanba bele hakma’an difikuldade koléjiu Fatumaka nian.

“Bainhira ko’alia ho Prezidente Repúblika, nia aseita ha’u-nia proposta ne’e, hodi ajuda 5 mill, ne’e ha’u agradese, maske tinan ne’e atraza oituan”, afirma nia.

Tanba tinan 3 ona mak, kestaun kombustivel sai preokupasaun boot ba kolejiu Fatumaka hodi bele implmenta programa fila rai no irrigasaun tradisonál ba natar no tós sira.

Enkuantu iha tempu uluk buat hotu la'o diák, maibé ikus ne’e tratór sira susar los tanba liu ona tinan 20, ikus mai mosu ho pandemia Covid-19, povu atu selu USD 15 iha oras ida ba fila rai, ba povu susar.

Reprezentante Benefisiáriu husi Suku 5, Vicente de Sousa Boavida hatete, sira-nia parte agradese ba apoiu ne'ebé oferese husi Prezidente Repúblika, José Ramos Horta nia ekipa atu fasilita programa fila rai  husi padre Locatelli, SDB ne’ebé servisu ho agrikultór sira, dezde tempu portuguéz to’o agora.

“Kombustível ne’e sei tau ba tratór hodi fila rai ba komunidade sira husi Suku Uailili, Gariuai, Bukoli, Loilubu, Umo-Ana-Ulo, Kairui Waimeana. Kada Suku, tratór 5 sei halo operasaun hodi fila rai durante fulan ida”, dehan nia.

Antes ne’e, Prezidente Repúblika ajuda mós finansiamentu ba Koléjiu Fatumaka, hodi hala’o missaun ajuda komunidade agrikultura no hadi’a tratór. (*)

Rate this item
(0 votes)
Last modified on Sunday, 06 November 2022 15:24
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« November 2022 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter