“Ne’ebé ita hein katak semana sira mai oin ne'e, sira bele aselera selesaun kompaña sira, bele númeru ne'e barak tan ona, atu nune’e kompaña sira ida-idak bele hatene nia área servisu atubele halo sira-nia distribuisaun”, dehan nia ba jornalista sira iha Ppalásiu Governu, kuarta (03/08).

Dadaun programa distribuisaun iha parte leste seidauk tama tanba ne’e mak husu atu aselera selesaun ba kompaña Timoroan sira hodi fasilita ho lalais.

“Aban sira sei lansa tan iha Ainaro ho Suai ne’ebé parte leste ne’e seidauk, parte tesik ba Baukau ne'e seidauk, foin to'o de’it Manatutu”, hatutan nia.

Nune’e husu ba kompaña sira iha ona sira-nia área servisu atu kontinua hatudu servisu ne’ebé di’ak nune'e bele kobre tan área sira ne’ebé mak distribuisaun Sesta Bázika seidauk to'o komunidade sira.

Tuir oráriu ne’ebé mak www.tempotimor.com asesu katak, iha loron 04 fulan-agostu Sekretáriu Estadu Kooperativa (SEKOOP), Elizário Ferreira ho komitiva sei lansa distribuisaun programa Nasionál Sesta Bázika iha Maubisse área Ainaru nian, no iha loron lima (5) fulan-agustu kontinua lansa iha Suai. (*)