Login to your account

Username *
Password *
Remember Me

Administradór Manufahi ‘Gava’ Governu Sosa Produtu Lokál Fahe ba Komunidade

Administradór Munisípiu Manufahi, Arante Isaac Sarmento. Administradór Munisípiu Manufahi, Arante Isaac Sarmento. Foto Tempo Timor

Tempotimor (Manufahi)-Administradór Munisípiu Manufahi, Arante Isaac Sarmento, gava programa Governu daualu ne’ebé sosa produtu lokál sira hodi fahe ba komunidade sira liuhusi Programa Sesta Bázika daruak ne’ebé implememta dadaun.

“Hahú husi ohin ba oin, osan lubuk ida sei halai iha komunidade nia leet, Governu tau osan, sosa tiha ita-nia produtu, depois fahe tan produtu ne'e ba ita, ha'u hanoin primeira vez iha mundu Governu Timor-Leste de'it mak halo ida-ne'e”, dehan Administradór Arante Isaac iha suku Betano, Postu Administrativu Same, sesta (15/07).

Tanba liuhusi lansamentu programa sesta bázika dahuluk iha suku Betano sai hanesan benefisia ikus, maibé programa daruak Suku refere sai benefisia ne’ebé hetan uluk.

“Ohin ita halo ona lansamentu ida ba sosa produtu lokál no lansa sesta bázika daruak iha Munisípiu Manufahi, Suku Betano mak primeiru benefisia sesta bázika daruak nian, sesta baziku ida tinan kotuk Betano mak ikus”, hatete nia.

Komunidade Betano primeiru ba lansa sosa produtu lokál, atu motiva komunidade sira atu produz agrikultura halo barak.

“Ohin dadersan ha'u ba merkadu buka batar, maibé batar iha merkadu laiha tiha hotu ona, ohin ha'u mai hakfodak tanba batar iha hotu ona sesta bázika”, dehan Administradór.

Ba programa ne’e hatudu komunidade sira manán dala rua, tanba kompaña sira sosa produtu lokál husi komunidade sira no fahe filafali ba komunidade sira.

Hanesan servidor iha Munisípiu Manufahi apresia boot tebes ba Governu sentrál, liuhusi nia polítika Governu daulu nian oinsá hadi'ak ekonomia komunidade sira-nian, atu ajuda ka apoiu ba komunidade sira nian, tanba situasaun libuk ida mak hasoru hahú husi COVID-19 no inundasaun ne'e hanesan problema sosiál ba ekonomia.

Tanba Governu hahú hala'o programa sesta bázika hakarak ajuda sidadaun sira atubele hakma’an sira-nia servisu ba nesesidade ne'ebé presiza tebes. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter