Login to your account

Username *
Password *
Remember Me

Autoridade Lokál Hakarak Kompaña Sosa Produtu Husi Komunidade Betano

Xefe Suku Betano, Felipe de Araújo. Xefe Suku Betano, Felipe de Araújo. Foto Tempo Timor

Tempotimor (Manufahi)-Autoridade Lokál liuhusi Xefe Suku Betano, Felipe de Araújo, hakarak Kompaña distribuidór sira sosa produtu lokál husi Komunidade Suku Betano, Postu Administrativu Same, Munisípiu Manufahi iha programa sesta bázika.

“Betano mós produtu lokál hanesan fós rai, batar, formungu, Forkeli, hudi no seluk tan. Sujere ba kompaña bele hola ami-nia produtu hirak ne'ebé sita, hafoin distribui ba komunidade sira, nune'e komunidade bele hetan benefisiu iha osan no ai-hán”, dehan Xefe Suku Betano, Filipe, sesta (15/07).

Tanba programa ida-ne'e bele responde ona preokupasaun komunidade nian kona-ba lori produtu ba merkadu ladún hetan rendimentu maibé liuhusi sesta bázika ne'e komunidade sira-nia produtu bele folin.

“Ha'u sente programa ida-ne'e ba oin la'o nafatin, oinsá bele motiva ita-nia komunidade sira para bele iha inisiativa hodi produsaun agrikultura aumenta tan para Governu sosa”, dehan nian.

Ba produtu hirak ne'e sei perkore de'it ba Postu Administrativu Same, karik kompaña interese sosa hotu husi komunidade sira mós, tanba ne’e komunidade sira mós rejeita kompaña atu distribui sesta bázika ho hodi fatuk, maibé troka baze seluk hodi fahe.

“Ita halo konkordánsia ida ho kompaña hudi fatuk ne'e sei fahe suku sira seluk, tanba hudi ida-ne'e ami-nian Betano barak liu”, dehan nian.

Hanesna lider komunitáriu sente kontente tanba suku Betano ne’ebé iha programa Sesta Bázika etapa dahuluk simu ikus, maibé daudaun suku Betano simu uluk sesta bázika daruak nian iha Munisípiu Manufahi.

“Hanesan lideransa lori komunidade nia naran hato'o agradese no orgullu tebes ba parte Governu”, hatete nia.

Totál populasaun ne'ebé hetan benefisia ne'e hamutuk rihun-hitu-atushaat-limanulu-resin-rua (7.452) populasaun, iha suku Betano hamutuk aldeia hitu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter