“Governu deside fali fahe sesta bázika ida-ne'e, objetivu primeiru atu motivu ita-boot sira atu ativu ba taxa produsaun ai-hán lokál, iha tós no natar hodi kontribui ba sesta bázika”, dehan Sekretáriu Estadu Kooperativa (SEKOOP), Elizário Ferreira, iha lansamnetu programa Sesta Bázika iha Suku Betano, Postu Administrativu Same, Munisípiu Manufahi, sesta (15/07).

Programa sesta bázika ida-ne'e atu motivu komunidade sira badinas atu produsaun atu Governu ho kompaña sosa no distribui fali ba benefisiáriu sira.

“Husi distribui ai-hán ida-ne'e, benefisiáriu sira hetan benefisia dupla tanba kompaña sosa sira-nia produtu ho animál hodi distribui fali ba sira, tanba komunidade hetan osan primeiru husi sira-nia produtu agrikultura nian, segundu fahe fali ba sira”, esplika nia.

Ba autoridade lokál organiza komunidade sira mai simu distribuisaun sesta bázika ida ne'e, diferente liu kona-ba distribui iha tinan kotuk

produtu ne'ebé komunidade produz ai-hán ne'e oferese ba kompaña sira hodi fahe fali ba sira.

“Ai-hán ne'ebé distribui ne'e, ai-hán povu nian, atu asegura kualidade ai-hán nian mak Sekretáriu Estadu Kooperativa koopera AIFAESA kontrolla kona-ba kualidade hahán nian, atu nune'e ita-boot sira bele simu hahán ne'ebé di'ak husi distribuitór sira”, esplika nia.

Programa ida ne'e atu rekoopera nesesidade ekonomia komunidade nian, sira kontenti hodi hakbesik an ba sede suku atu simu sira-nia diretu.

Benefisiariu husi programa sesta bázika husi suku Betano hamutuk aldeia hitu (7) hanesan Bee-metan, Lalika, Leo-Ai, Loro, Rai-Fusa, Selihasa no Sesurai simu ona nia direitu ba sesta bázika daruak nian.

Sekretáriu ne'e, apresia ba autoridade lokál sira nia kooperasaun no kolaborasaun ba servisu distribuisaun ai-hán ne'e.

Iha lansamentu ne'e, hetan partisipasaun másimu husi benefisiáriu sira, Polísia Nasionál Timor-Leste (PNTL), FALINTIL-Forsa Defeza Timor-Leste (F-FDTL), hetan partisipa mós husi estudante estájiariu UNTL no AIFAESA I.P, inklui administradór Munisípiu manufahi. (*)