Login to your account

Username *
Password *
Remember Me

Vise-MKI Sosializa Programa Garantia Kréditu Funan Ki'ik ba Formandu 60

Formandu sira ne'ebe partisipa sosializasaun  programa garantia Kréditu Funan Ki'ik, iha Administrasaun Munisipiu Baukau. Formandu sira ne'ebe partisipa sosializasaun programa garantia Kréditu Funan Ki'ik, iha Administrasaun Munisipiu Baukau. Foto Suplay

Tempotimor (Dili)-Vise Ministru Komérsiu no Indústria (V-MKI), Domingos Lopes Antunes, ho ekipa Diresaun Nasionál Apoiu Dezenvolvimentu Mikro Pequenas no Media Empresas (DN-AMPMES) parseria ho OXFAM no GIZ hala’o Sosializasaun programa garantia Kréditu Funan Ki'ik pursentu tolu (3%) ba formandu 60 husi Munisípiu Lautein, Baukau, Vikeké no Manatutu ne’ebé tuir ona formasaun agro-negósiu.

Tuir informasaun ne’ebé www.tempotimor.com asesu iha pájina MAE, kinta (16/06) katak, OXFAM halo parseria ho GIZ ne’ebé hetan fundus husi União Europeia iha Timor-Leste ba projetu Sustainable Agribusiness Strategies Project (SASP) ne’ebé fasilita treinamentu báziku kona-ba agronegósiu “abilidade ba moris di’ak” husu Governu atu sosializa eskema garantia kréditu funan ki’ik ba partisipante iha projetu ne’e.

Iha sosializasaun ne'e realiza iha salaun enkontru no Apuramentu Munisípal Baukau, kuarta (15/06) abertura direta husi Vise Ministru Komérsiu no Indústria, Domingos Lopes Antunes, hetan akompaña husi Prezidente Autoridade Munisípiu Baukau, Olivio Freitas ‘Bou Lesa’ nomós konvidadu sira mai husi Munisípiu haat.

Ba ne’e kada Munisípiu ida reprezentante hamutuk ema na’in-15, mak partisipa iha programa Sosializasaun ne'ebé mak organiza husi OXFAM Timor-Leste, hodi asesu ba fasilidade garantia kráditu funan ki'ik.

Vise Ministru Komérsiu Indústria Domingos hatete, programa ne‘e atu apoiu setór privadu sira liliu MPMEs asesu ba kréditu funan ki'ik hodi dezenvolve kadeia valór prominente sira iha setór produtivu hanesan turizmu, indústria, Agrikultura, peskas Komérsiu no sira seluk.

Ho ida ne’e, atu diversifika Timor-Leste nia Ekonómia la’ós petrolifera atu nune’e kria empregu, rendimentu iha área rurál, no programa ne’e hanesan medidas media no longo prazu PRE nian, Governu preve ona 50 milllaun ne‘ebé fó biban ba empreza mikro pekenas no media asesu husi $1.000 to’o $ 250.000 no fó biban mós ba empreza boot sira atu aseseu husi $ 250.000 to’o $ 1.000.000 (um milhões).

Tanba ne’e, husu ba Emprezári sira atu prepara planu negósiu hodi asesu ba Kréditu Suave ho funan ki'ik pursentu tolu (3%) kada tinan no iha periodu de grasa másimu fulan-6.

Ba sosializasaun ne'e, atu informa ba partisipantes sira, hodi bele asesu ba eskema garantia kréditu funan ki'ik, ba grupu sira, liliu individuál sira ne'ebé mak durante ne'e hetan formasaun husi OXFAM Timor-Leste, no Ministério Turizmu Komérsiu no Indústria, (MTKI) liuhusi Diresaun Nasionál Apoiu Dezenvolvimentu Mikro Pequenas no Media Empresas (DN-AMPMES) ne'ebé mak realiza liuhusi servisu hamutuk entre MTKI, UNDP, BNCTL, no IADE.

Iha Sosializasaun ne'e partisipa husi, Bernardino de Menezes (DN-AMPMES), Olivio Freitas ‘Bou Lesa’ (Prezidente Autoridade Munisípiu Baukau), Fausto Belo Ximenes ‘Nino’ (Diretór Ezekutivu OXFAM), Ana Jeannie A.M. de Cortereal Araujo (Diretora SERVE.IP Munisípiu Baukau), Miguel Pinto (reprezentante BNCTL Munisípiu Baukau), Formador husi Business Development Service (BDS) Smart, nomós Konvidadu sira seluk. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter