Tuir informasaun ne’ebé www.tempotimor.com asesu iha pájina MOP, kuarta (15/06) katak, Ministru Abel Pires da Silva, ne’ebé hetan akompaña husi Diretór Obras Públikas minisípiu Baukau, Pedro A.G Pereira, hala’o observasaun ba konstrusaun Estrada Rurál ba Dezenvolvimentu (ERD) husi área Teulale to'o Uatabo.

Iha observasaun ne'e Ministru Abel husu kompaña atu kontinua konstrusaun estrada rurál ne'e ho kualidade atu komunidade sira bele utiliza iha tempu naruk nia laran.

“Agradese tebes ba ita-boot sira tanba bele fó servisu maluk timoroan sira, husu para ita-boot sira halo ho kualidade hodi nune'e bele utiliza kleur, la kleur tan ita-nia Governu mak sei kontinua halo ida-ne'e tanba ILO sei entrega mai Governu, imi kontinua halo di'ak Governu nafatin fó fiar ba imi”, dehan Ministru Abel.

Konstruksi estrada rurál ne'e hahú husi área Teulale ba Uatabo ho nia distánsia Kilometru 4.8. (*)