Tuir informasaun ne’ebé www.tempotimor.com asesu iha pájina AIFAESA katak, sesaun turistíka no sesaun komérsiu husi Departamentu Operasaun halo kontrolu ba Otèl Timor no Otél Golgota, iha Postu Administrativu Vera Cruz no Dom Aleixo, iha loron kuarta (11/05).
Asaun ne'e ekipa inspetór sira identifika produtu liu prazu iha Otél Golgota, hanesan produtu swad, deka wafer roll, sundried tomato halves, leziria tremoço, master foods, tremoceira, poprin, abasco, mostarda, kraft, coconut rice, ancient grains risotto, no produtu Importadu seluk tan.
Iha parte seluk, ekipa inspesaun simu informasaun keixa verbal katak, loja Jialefu ne’ebé lokaliza iha área Bebonuk fa'an produtu liu prazu, ho nune'e ekipa halo atuasaun diretamente kedas ba loja refere, no konsege hetan produtu Noodle, ne'ebé liu ona prazu. (*)