Login to your account

Username *
Password *
Remember Me

Governu ho Uniaun Europa Oferese Mákina Dulas Kafé ba Suku 6 iha Laklubar

Sekretáriu Estadu Kooperativa (SEKOOP), Elizário Ferreira hamutuk ho Vise Ministru Agrikultura no Peskas no Parseiru dezenvolvimentu sira entrega hela makina Dulas kafé ba agrikultór produsaun kafé sira iha Salaun Parokial Laklubar, kinta (12/05). Sekretáriu Estadu Kooperativa (SEKOOP), Elizário Ferreira hamutuk ho Vise Ministru Agrikultura no Peskas no Parseiru dezenvolvimentu sira entrega hela makina Dulas kafé ba agrikultór produsaun kafé sira iha Salaun Parokial Laklubar, kinta (12/05). Foto Suplay

Tempotimor (Manatuto)-Governu liuhusi Ministériu Agrikultura no Peskas (MAP) no Sekretária Estadu Kooperativa (SEKOOP) hamutuk ho parseiru dezenvolvimentu Uniaun Europeia (UE) Servisu Kooperasaun Alemaña (GiZ) ne'ebé implementa husi Kooperativa Komérsiu Agrikola de Timor (CCAT) hodi apoiu mákina ba populasaun liliu produtór Kafé sira iha Postu Laklubar.

Iha serimónia entrgasaun mákina ba kada suku sira ne'e, Vise Ministru Agrikultura no Peskas, Abilio Xavier de Araújo, husu atu kuidadu materiál sira ne'e atu nune'e labele dependénsia ba organizasaun ka parseiru sira iha futuru mai.

“Emabaxadór Uniaun Europeia no Emabaxadór Portugál servisu hamutuk ho Ministériu sira, tanba ne'e husu ba lideransa sira oinsá mak kuida sasán sira ne'e tanba sira atu fó atu sai na'in ba ita atu ita bele produz buat foun para ba futuru labele dependénsia bebeik”, dehan nia iha abertura ba serimónia entrga mákina iha Suku Orlalan, Postu Administrativu Laklubar, Munisípiu Manatuto, kinta (12/05).

Nune'e Sekretáriu Estadu Kooperativa (SEKOOP), Elizário Ferreira, kuandu sira ona materiál sira ne'e sei uza kuidadu atu nune'e labele depende sia de'it ba li'ur sira hodi asegura nia sustentabilidade.

“Ha'u-nia mensajen mak ne'e agrikultór doben sira simu besi sira ne'e, labele depende de'it ba ema fó sira ne'e mai motiva ita atu asegura ita-nia sustentabilidade”, dehan nia.

Tanba sai membru kooperativa mak kapitál fundu kafé nian investe de'it iha kooperativa sira tanba nune'e mákina sira ne'e sai aat Kooperativa iha ona osan fundu hodi halo manutensaun no bele mós hola foun tan hodi kontinua asegura nia sustentabilidade iha futuru mai.

Prinsípiu Kooperativa nian mak atu asegura finanseira estabilidade ekonomia ba família nomós ba Kooperativa rasik.

 

Reprezentante Administradór Munisípiu Manatuto, Sekretáriu Munisipál, Eduardo Guterres, nia parte agredese ba parseiru dezenvolvimentu sira hodi nune'e utiliza ho responsabilidade.

“Administrasaun Munisípiu Manatuto hato'o obrigadu ba doadór sira parseiru sira ne'ebé laran luak bele fó tulun ne'e mai ita, tanba ne'e ita hothotu Postu Administrativu Laklubar, Soibada katak iha simu ema nia sasán ne'e ho responsabilidade, katak simu buat ne'e utiliza tuir nia regra sira nia prosedimentu tuir buat ne'ebé imi hetan ona iha treinamentu”, hatete nia.

Durante ne'e Emabaxadór Uniaun Europeia no Emabaxadór Portugál hamutuk ho GiZ serbisu hamutuk ho Kooperativa Komérsiu Agrikola de Timor hodi hasa'e produsaun kafé nian iha Timor laran tomak.

Alende ne'e servisu implementador Kooperativa Komérsiu Agrikola de Timor ne'ebé durante ne'e sidade fasilitadór iha formasaun ba agrikultór sira iha Timor laran tomak promete sei sei kontinua fó formasaun no treinamentu ba to'os na'in.

Mákina sira ne'ebé mak parseiru dezenvolvimentu hamutuk ho Governu Timor-Leste mak mákina dulas kafé hamutuk neen (6) ba suku sira iha Postu Administrativu Laklubar, Suku sira mak hanesan Batara, Fatumakerek, Funar, Manelima Orlalan no Sananain. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter