Login to your account

Username *
Password *
Remember Me

Governu Deside OJE 2023 Billaun $1,797.6 iha Jornada Planeamentu

Governu konstituisionál daualu realiza sensaun traballu ba jornada planeamentu orsamentál tinan 2023 iha Ministériu Finansas. Governu konstituisionál daualu realiza sensaun traballu ba jornada planeamentu orsamentál tinan 2023 iha Ministériu Finansas. Foto Suplay

Tempotimor (Dili)-Governu konstituisionál daualu iha loron tersa (26/04) realiza sensaun traballu ba jornada planeamentu orsamentál tinan 2023 hodi deside mós senáriu fiskál ho montante billaun $1,797.6 iha Orsamentu Jerál Estadu (OJE) ne'ebé sei prevee ba tinan 2023 nian.

Atividade jornada planeamentu fiskál tinan 2023 nian ne'e prezide direta husi Primeiru Ministru (PM), Taur Matan Ruak no Moderadora husi Ministru Finansa (MF), Rui Augosto Gomes, hetan partisipa másimu husi Membru Governu, Prezidente Autoridade no Administradór Munisípiu, Responsável Instituisaun Estadu no Órgaun Servisu Fundu Autónoma sira, Diretór Jerál no tékniku sira husi Liña Ministeriál.

Iha sensaun traballu ba jornada planeamentu ne'e atu foka liubá prosesu aprezentasaun husi ekipa Diresaun Jerál Planeamentu no Orsamentu iha Ministériu Finansa kona-ba Mekanizmu Elaborasaun 𝘎𝘳𝘢𝘯𝘥𝘦𝘴 𝘖𝘱𝘤𝘰̃𝘦𝘴 𝘥𝘰 𝘗𝘭𝘢𝘯𝘰, ka Medida Prinsipál sira ba OJE 2023 nomós aprezentasaun kona-ba previzaun makroekonomia no makrofiskál ba tinan 2022 no 2023.

Durante iha sensaun traballu refere, Ministru Finansa, Rui Augosto Gomes hatete, atividade ba loron ida ne'e, nu’udar atualizasaun pontu partida ida husi prosesu planeamentu no eleborasaun lei grande opsaun sira tuir espiritu lei foun enkuandramentu orsamentál nian.

“Sorumutu ohin loron ne'e nu’udar pontu de partida husi ita-nia prosesu planeamentu no elaborasaun lei das grandes de opções do planu ne'ebé tuir ona espiritu lei foun enkuadramentu orsamentál ne'ebé sua exelénsia Prezidente Repúblika promulga ona iha fulan-fevereiru liubá”, dehan nia hafoin modera sensaun traballu jornada planeamentu tinan fiskál 2023 iha salaun MF, tersa (26/04).

Ho promulgasaun lei estruturante ne'e, Timor-Leste marka pasu importante ba dahuluk iha área reforma fiskál no jestaun finansa públika, ida ne'e hanesan konkista boot ida ne'ebe mak Governu hala'o durante mandatu.

Planu ida ne'e, Organiza husi Diresaun Jerál Planeamentu no Orsamentu, Ministériu Finansa servisu hamutuk ho Ajénsia Nasionál ba Planeamentu, Monitorizasaun no Avaliasaun (ANAPMA), no sei diskute no buka identifika medida prinsipál ba OJE 2023 hodi rekupera ekonomia no promove kresimentu ekonómiku ida ne’ebé inkluzivu no sustentável.

Durante hala'o diskusaun no apresiasaun ba medida prinsipál sira ba OJE 2023, Governu mós deside senáriu fiskál ho montante billaun $1,797.6 ba OJE 2023.

Husi aprezentasaun hirak ne'e, Ministériu Finansa mós deside sei komtempla medida hirak ne’e iha Proposta Projetu 𝘓𝘦𝘪 𝘥𝘢𝘴 𝘎𝘳𝘢𝘯𝘥𝘦𝘴 𝘖𝘱𝘤𝘰̃𝘦𝘴 𝘥𝘰 𝘗𝘭𝘢𝘯𝘰 no sei aprezenta iha Konsellu Ministrus, loron 4 fulan-maiu 2022 atu hetan apresiasaun.

Bainhirs hetan ona aprovasaun husi Konsellu Ministru, mak Governu sei submete ba Parlamentu Nasionál iha loron 10 fulan-maiu 2022 hodi diskute no aprova.

Tanba servisu preparasaun sira iha nível tékniku ba Proposta Projetu 𝘓𝘦𝘪 𝘥𝘢𝘴 𝘎𝘳𝘢𝘯𝘥𝘦𝘴 𝘖𝘱𝘤𝘰̃𝘦𝘴 𝘥𝘰 𝘗𝘭𝘢𝘯𝘰 la’o intensivamente durante fulan ida ho balun ne’ebé envolve rekollamentu medida setoriál no konsultasaun téknika ho entidade Estadu hamutuk 98 ne’ebé hola parte iha perímetru orsamentál.

Ministériu Finansas mós halo ona analiza ba medida husi entidade sira hodi asegura katak sei aliña medida sira ho Planu Estratéjiku Dezenvolvimentu, Programa Oitavu Governu Konstitusionál, Planu Estratéjiku Setorál, Planu Rekuperasaun Ekonómiku no dokumentu estratéjiku aprovadu seluk inklui mós halo aliñamentu ba Rezultadu Nasionál (𝘕𝘢𝘵𝘪𝘰𝘯𝘢𝘭 𝘖𝘶𝘵𝘤𝘰𝘮𝘦𝘴) ne’ebé daudaun ne’e ANAPMA dezenvolve hela.

“Ezersisiu ida-ne’e hanesan ezersisiu ida ne’ebé foun no kompleksu tebes, maibé ho esforsu tomak husi Diresaun Jerál Planeamentu no Orsamentu, Ministériu Finansas ho koordenasaun ho ANAPMA, ohin, ita bele hetan rezultadu ezbosu planeamentu tuir espíritu Lei Foun Enkudramentu Orsamentál. Parabéns ba ekipa tomak husi DGPO no ANAPMA”, hatete nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter