Login to your account

Username *
Password *
Remember Me

Konsellu Veteranu Baukau Submete Lista Bolsu Estudu 272 ba Nasionál

Tekníku apoiu finansan iha Konsellu Veteranu Baukau, Dulce Maria Ximenes Belo ko'alia hela ba www.tempotimor.com iha kna'ar fatin vila antiga, tersa (29/03). Tekníku apoiu finansan iha Konsellu Veteranu Baukau, Dulce Maria Ximenes Belo ko'alia hela ba www.tempotimor.com iha kna'ar fatin vila antiga, tersa (29/03). Foto Tomas Freitas

Tempotimor (Baukau)‐Konsellu Veteranu Baukau, submete ona lista kandidatu bolsu estudu na'in-272 ba iha Ministéiru Assuntu Komabatentes da Libertasaun Nasionál (MACLN-sigla portugés).

"Ita rejistu ona 272, mane no feto hira mak ami seidauk klarifika, maibé ami haruka ba tiha ona nasionál, Ministéiru Kombatentes nia liman," dehan Tekníku apoiu finansas iha Konsellu Veteranu Baukau, Dulce Maria Ximenes Belo ba www.tempotimor.com iha kna'ar fatin vila antiga, tersa (29/03).

Kandidatu hirak ne'e, atu hetan apoiu finanseiru husi Governu kada tinan, maibé tuir nivél eskola, tanba husi eskola ensiñu báziku pre-primaria (SD) sei hetan US$300, ensiñu báziku pre-sekundáriu sei hetan US$450, ensiñu sekundáriu sei hetan US$650, enkuantu kandidatu iha universidade sei hetan US$1.000.

Ministéiru mós sei halo monitorizasaun ba benefisi’ariu sira kada tinan liu husi haree valores nune'e valor kuandu tun kompara ho tinan kotuk, sei hapara subsidiu.

"Haree sira nia valores kada tinan, sé tinan-oin mai mak sira nia valores tun, entaun sei hapara, sé hakarak hetan aplay ulang fali, tuir tán rekizitus hanesan hahú husi faze inisiu," nia hatete

Nune'e, Sekrétariu jerál konsellu vetéranus Munisípiu Baukau Manuel da Costa Soares, hatete, iha misaun fó oportunidade ba kombatentes no martire nia oan sira atu hetan subsidiu husi Governu.

"Importante veteranu oan prepara aan, tanba iha selesaun ida ne'e haree nilai ne'ebé di'ak liu, tanba ne'e veteranu nia oan ne'ebé mai ona rejistu tenke prepara aan feitu atu nune'e bele liu selesaun ne'e,"nia hatete

Enkoraja kandidatu sira, bainhira liu selesaun hotu sai benefisiáriu ba oportunidade ne'e, uza didiak, tanba kombatentes no martire nia oan mak hanesan jerasaun kontinuadór.

Tuir informasaun husi konsellu veteranu Baukau ba tinan-2022, sei presiza benefisiáriu hamutuk na'in-100, ba universidade na'in-70, pre-primaria na'in-10, pre-sekundáriu na'in-10, sekundáriu na'in-10.

Kritériu ne'ebé kandidatu sira priense ne’e, formuláriu prepara husi nasionál, Billeti Identidade (BI) Certidaun RDTL, valores tinan-2021 nian, inklui konta bankária.

Rejistrasaun hahú husi loron 21 fulan-fevereiru to'o loron 22 fulan-marsu tinan-2022, hamutuk kandidatu  na'in-272 kosmpostu husi Postu Adminisitrativu Baukau Vila, Baguia, Laga, Kelikai, Venilale no Vemase.

Entertantu bolsu estudu ba martir no kombatente nia oan ba tinan-2022, bazeia ba rejime atribuisaun MACLN dekretu lei nú.8/2009 loron 15 fulan-janeiru. (*)

Rate this item
(1 Vote)
Last modified on Wednesday, 30 March 2022 10:23
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter