Login to your account

Username *
Password *
Remember Me

Mata Dalan PNDS Limita Jacinta La Hetan UKL

Komunidade, Jacinta da Costa hamrik hela iha nia uma oin. Komunidade, Jacinta da Costa hamrik hela iha nia uma oin. Foto Tomas Freitas

Tempotimor (Baukau)‐Maske komunidade, Jacinta da Costa idade-60 resin hela iha uma ne'ebé kondisaun la estavel, maibé labele hetan verifikasaun ba Uma Kbi'it La'ek (UKL) iha Aldeia Ana-Ulo, Suku Bahu, Postu Adminisitrativu Baukau Vila Munísipiu Baukau, tanba limita husi mata dalan Programa Nasionál Dezenvolvimentu Suku (PNDS) nian.

Xefe Aldeia Ana-Ulo, Liborio da Costa, hatete, ékipa verifikadór sira la'o tuir mata dalan husi Programa Nasionál Dezenvolvimentu Suku (PNDS) nian.

"Ami labele tama de'it foti dadus, ami hatene tuir buat ne'ebé litimasaun PNDS fó, uma tolu de'it, populsaun ki'ak barak, ami foti hotu karik sé mak responde buat sira ne'e, buat programa PNDS nian, ema fó uma tolu de'it," dehan Xefe Aldeia Ana-Ulo Liborio da Costa ba www.tempotimor.com iha sede suku bahu vila antiga Baukau, tersa (29/03).

Verifikasaun ba UKL iha Aldeia alvu Ana-Ulo ema na'in-6 hafoin liuhusi selesaun ema na'in-3 mak sai benefisiáriu no na'in-3 pendente.

Delegadu Aldeia Ana-Ulo, Jeremias da Costa Pinto, esklarese, tuir mata dalan PNDS atu halo lista kandidatura ba UKL hili ema na'in-6 iha Adeia halo verifikasaun no deside na'in-3 mak sai benefisiáriu.

"La'os dehan nia la hetan, nia iha direitu merese atu hetan, maibé problema ida mak limitasaun estadu fó mai iha Suku, ami labele akumula hotu kbi'it la'ek sira ne'ebé iha Suku Bahu liu-liu iha Aldeia Ana-Ulo, maibé ami akumula hotu mak hetan tolu de'it, tanba ami nia ejije mós hakarak halo hotu, mais planu ne'e la'o nafatin, ami sei to'o iha ne'eba, ne'ebé mak seidauk hetan ami sei la'o tuir," nia akresenta

Dadaun ékipa verifikadór ba UKL iha Suku Bahu hahú planu ba faze terseiru, nune’e karik iha tán, sei verifika família kbi'it la'ek husi área Uarage to'o Nagardjo Ana-Ulo no husi área Luliheni, Nagardjo, Gumbere to'o Kailara vila nova.

Verifikasaun ba família kbi'it la'ek faze daruak nian kompostu husi Xefe Suku, Xefe Aldeia alvu, veteranu, Ofisiál Polísiamentu Suku (OPS), juventude, reprezentante feto, ékipa PNDS husi Munísipiu no Postu.

Enkuantu tuir formatu mata dalan PNDS nia halo verifikasaun haree husi uma nia kakuluk, didin no uma laran.

"Ita haree ba gravementu uma tuir mata dalan, ami sempre tuir mata dalan ne'ebé PNDS fó, iha ne'eba ita konta husi rai, didin to'o kakuluk," nia hatete

Liga asunto verifikasaun iha Aldeia ba familia kbi'it la'ek na'in hira mak foin deside na'in-3 sai benefisiariu ba UKL, jornalista www.tempotimor.com tenta konfirma Diretóra PNDS Munísipiu Baukau, liuhusi whatsapp, maibé haree leet de'it, la fó komentáriu ruma.

Verifikasaun UKL ba faze segundu tinan-2022 iha Suku Bahu konklui ona hein implementasaun.

UKL iha Suku Bahu hamutuk uma 9, ba Aldeia Ana-Ulo uma-3, Ro-Ulo uma-3, Boi-Le, enkuantu Aldeai Makadai hetan ona UKL 3 iha faze primeiru tinan-2021.

Totál populasaun iha Suku Bahu hamutuk rihun 11.716, kompostu husi Aldeia-5 hanesan, Ana-Ulo, Boi-Le, Lamegua, Makadai no Ro-Ulo. (*)  

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter