"To'o ohin loron ita-nia mandatu atu hotu ona, ha'u lahatene FDCH, tanba saida mak nia lakohi fo dadus ne'e mai ona," dehan Prezidente Komisaun G, Deputadu António Verdial iha plenária PN, segunda (19/09).
Tanba, desde asume mandatu hanesan Prezidente Komisaun G, halo kedas pedidu ba FDCH, ho liafuan rua ne'ebé espesiál mak, (Pesan no Permohonan) no husu atu fornese dadus ida-ne'e, maibé la akontese.
"Desde ha'u nia mandatu, kuandu ha'u asume kna'ar hanesan prezidente Komisaun, ha'u husu favór FDCH atu fornese dadus kona-bá, ita oan sira, ki'ak ka riku, nia naran no identidade, hato'o mai komisaun atu nune'e akompaña," nia esplika
Tanba ne'e, husu ba governu atu tau matan no haree asuntu ida-ne'e, nune'e parlamentu nasionl bele hetan fornesimentu dadus konkretu sira husi FDCH. (*)