Diretóra CBRNTL, Norberta Soares, hatete, grupu ne'ebé hari'i iha Timor laran, hamuruk 23 no iha rua mak hetan ona apoiu fundu husi Governu Alemaña.

"Dadaun ami hetan apoiu husi Governu Alemaña fundus ki'ik ba grupu ida iha Buruma Baukau US$500, ida iha Vikeke mós US$500," dehan Norberta iha uma dame uatulete, segunda (28/03).

Enkuantu apoiu ba grupu iha Munísipiu Vikeke, atu haforsa atividade hortikultura no iha Baukau grupu haforsa atividade kreditu.

"Ha'u iha esperansa katak, iha sustentabilidade iha benefisiu, tanba grupu-4 iha Suai, sira dadaun produs ona aikulat mutin, aikulat mutin ne'e só joven sira iha ermera, maibé lori ami nia esperensia hodi estabelese aikulat mutin iha Suai," nia argumenta

Nune’e, nafatin fó oportunidade ba grupu seluk halo proposta hodi bele hetan mós apoiu fundus husi Governu Alemaña no kontinua kapasita grupu sira liuhusi formasaun, oinsá jere osan ho kuidadu.

Entertantu grupu ne'e estabelese iha Munísipiu Baukau grupu-2, Dili-2, Manatuto-2, Covalima-4, Oe-cusse-11, Ermera-ida no Vikeke-ida. (*)