Adminisitradór Postu Adminisitrativu Venilale, Miguel Mendes Manso Guterres, hatete, kondisaun estrada iha Suku Uaiholi kompostu Aldeia-4 iha tempu udan susar atu transposte asesu hodi tula komunidade nian produto lokál ba iha merkadu.
"Agora kompañia tolu mak manan tender, fulan inisiu abril sira hahú ona halo iha ne'eba, tanba kompañia tolu mak manan iha ne'eba," dehan Miguel ba www.tempotimor.com iha salaun uma dame uatulete, segunda (28/03).
Enkuantu projetu estrada rural iha Postu Venilale, Suku Uaioli kompostu pakote-3 halo rehabilitasaun kilo-metru 8.5 ho nia orsamentu US$1,624,237.39.
Bainhira projeru remata, sei fasilita komunidade husi Suku Uaiholi bele transporta produtu lokál husi suku ba merkadu.
Tuir planu, sei submete tán proposta ba servisu Minisitéiru Obras Públika (MOP) Baukau, atu kontinua diriji ba parte kompetente iha nasionál atu bele normaliza tán, estrada rurál sira iha Postu Adminisitrativu Venilale.
"Estrada rural iha Suku Bahamori, Aldeia Lakuoma foin dadaun ita iha eleisaun sasan lori de'it, tanba transporte tama ba ladi'ak," nia informa
Projetu rehabilitasaun estrada rural diresaun venilale vila ba Suku Uaioli kompostu husi pakote tolu, ne’ebé ida manán husi kompaña Putra Baukau Unip Lda ho montante orsamentu US$666,971.12, ida manán husi kompaña Macaloco Construction Unip Lda ho montante orsamentu US$490,661.40 no ida seluk manán husi kompaña Morende Construction Unip Lda ho montante orsamentu US$365,170.02. (*)