Ministru Prezidensia Konsellu Ministru (MPKM), Fidelis Leite Magalhães hatete, aprovasaun ba projetu Dekretu-Lei, ne’ebé aprezenta husi husi nia rasik, ba pagamentu suplementár ba funsionáriu, ajente no kontratadu sira ne’ebé afetu ba impresaun buletin votu nian ba eleisaun sira Prezidente Repúblika nian.
“Pagamentu suplementár ida-ne’e hodi haree ba nesesidade atu garante kumprimentu kalendáriu eleitorál ne’ebé estabelese ona no períodu badak ne’ebé eziste ba impresaun buletin sira obriga serbisu kontínu ida, ho oras 24 kada loron, durante tempu naruk”, dehan Fidelis iha Palásiu Governu, kuarta (23/03).
Tanba durante ida-ne’e traballadór sira laiha posibilidade hodi goza loron deskansa semana nian no fó sira-nia serbisu aleinde oráriu normál serbisu nian no ho kondisaun ezijente tebes. (*)