Ministru Prezidensia Konsellu Ministru (MPKM), Fidelis Leite Magalhães hatete, aprovasaun ne’ebé Konsellu Ministru halo ba estabelese no opera servisu aéreu entre nasaun Timor-Leste ho EAU.
“Konsellu Ministrus aprova ona projetu Proposta Rezolusaun ba Parlamentu Nasionál, ne’ebé aprezenta husi Ministra Negósius Estranjeiru no Kooperasaun, Adaljiza Albertina Xavier Reis Magno, ba aprovasaun Akordu Servisu Aéreu sira entre Repúblika Demokrátika Timor-Leste no Emiradus Árabes Unidus”, dehan Ministru Fidelis, iha Palásiu Governu, kuarta (23/03).
Ho akordu ida-ne’e, enkonformidade no komplementár ba Konvensaun kona-ba Aviasaun Sivíl Internasionál, hakarak estabelese no opera servisu aéreu sira entre nasaun rua ne’e no mós ho nasaun sira seluk. (*)