Tanba ne’e, sei halo provas ba projetu ke’e valeta ne’ebé kompañia Cuba implementa iha diresaun estrada ba merkadu Tarakai, Postu Administrativu Laga, Munisípiu Baukau.
"Ha'u sei halo provas ba kompaña ne'e, orsamentu ne'e mai husi ne'ebé, projetu ne'e to'o kilo-metru hira, traballadóres na'in hira mak servisu ne'e, depois mak ha'u konsulta ba kompaña ne'e," dehan Domingos ba www.tempotimor.com, iha kna'ar fatin, kinta (24/02).
Tanba, Domingos Loiola José Pereira foin simu pose ne’ebé eleitu nu’udar Administradór Postu Laga iha loron 16 fulan-fevereiru tinan 2022, nune’e seidauk hetan informasaun husi implementasaun projetu refere.
"Hodikalan ha'u husu traballdor balun, sira dehan, ke’e metru 1 selu US$2, sira hakarak,"nia hatete
Tuir nia, pelumenus kompaña selu kada metru-ida US$3 ba leten atu trablladór sira bele atende nesesidade uma laran.
"Maibé fó de'it US$1 hanesan ne'e, ba ha'u resposabilidade postu laduun kontente no satisfas ho ida ne'e," nia akresenta
Antes ne’e, iha loron 22 fulan-fevereiru tinan 2022 traballadór, Martiña da Costa Brito husi Aldeia Butufalu, Suku Soba, Postu Administrativu Laga, haktuir, durante loron haat ona, servisu hamutuk ho feto maluk-ida ke’e valeta tuir estrada diresaun merkadu hamutuk metru 30-resin.
"Ami na'in-2 ha'u nia maluk ida mak ke’e, metru ida selu US$2 mak ami na'in-2 fahe ba malu," nia hatete
To’o notisia ne’e, públika sidauk iha komentariu husi responsavel kompaña Cuba, tanba www.tempotimor.com tenta atu halo konfirmasaun, maibé laiha fatin. (*)
