Login to your account

Username *
Password *
Remember Me

EDTL Baukau Seidauk Normaliza Eletrisidade iha Hae-coni

Liña Eletrisidade. Liña Eletrisidade. Foto Suplay

Tempotimor (Baukau)-Eletrisidade Timor-Leste, Empreza Públiku (EDTL,E.P) Baukau seidauk normaliza fiu eletrisidade ne'ebé anin estraga iha Suku Hae-coni Postu Administrativu Baguia Munisípiu Baukau.

"Ne'e seida'uk, tohar monu iha listrik leten, estraga hotu ne'ebé agora ne'e listrik seidauk lakan sei mate hela, seidauk normaliza," dehan Xefe Suku Hae-coni, Luis Oliveira ba www.tempotimor.com via telefone, sesta (25/02).

Iha loron 24 fulan-fevereiru tinan 2022 ékipa parte EDTL sira iha fatin akontesementu, maibé seidauk normaliza, nune'e kalan tolu ona komunidade balun uza de’it lilin.

Eletrisidade ne'ebé anin estraga ne’e, liga ba Suku Hae-coni, Osso-huna no Afaloikai, maibé balun dadaun simu fali ona ahi eletrisidade husi Postu Viziñu Uatucarabau no balun mak seidauk.

Tanba ne'e, parte EDTL,E.P prezisa halo normalizasaun hodi komunidade sira bele asesu hikas eletrisidade.

"Ami nia hakarak ne'e lalais, maibé tanba de'it bully mós rahun hotu tenke tula fali foun mai depois troka, ne'ebé karik ida ne'e mak difikulta ba sira karik," nia akresenta

Alende anin estraga eletrisidade iha Suku Hae-coni, iha parte Suku Alaua-Leten mós hetan estragus.

Nune’e, supervaizór EDTL,E.P Munisípiu Baukau, Edegar Pinto hatete, atu normaliza sei la promote loron, tanba kuaze eletrisidade iha Munisípiu Baukau laran barak hetan estragus, maibé garante sei hadi’a.

"Ami horseik atende Uailili no Venilale, tanba ami hadi'a uluk liña jerál ne'e, ami buka tempu ba fali Baguia Hae-coni ne'e, konforme planu ami nian, atividade la'os Baguia de'it, kuaze Munisípiu Baukau ne'e, hetan dezastre husi anin," nia hatete

Entertantu membru EDTL,E.P iha Munisípiu Baukau kompostu husi Postu Administrativu sira hamutuk na'in-43. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter