Diretór SEFOPE Baukau, Romualdo António de Souza, informa, hahú fulan-janeru to’o juñu tinan-2022, simu keixa husi traballadór hamutuk na'in-6, tanba kompañia hapara sira nia servisu.
Nune’e keixa ona Kompaña internasionál Sinoma ne'ebé dadaun konstrui estrada diresaun Munisípiu Baukau ba Lautém, Loja Lorosa'e no Loja Bilaiche.
"Dala barak liu kompañia sira viola traballadór nia direitu, liu-liu saláriu selu laloos, traballadór eziji sira hapara, entaun traballadór sira hatene ona lei halo keixa," dehan nia iha kna'ar fatin vila nova Baukau, tersa (12/07).
Tanba ne’e, SEFOPE fó ona karta notifikasaun ba kompaña tolu atu halo mediasaun.
"Ita konsege rejolve, nune'e labele to'o iha Arbitrajem, ita aprosima parte rua hetan solusaun iha Munisípiu," nia hatete
Nia kompara, tinan-hirak ba kotuk parte SEFOPE simu keixa husi traballadór sira ho númeru aas, maibé iha tinan-2022 menus, tanba halo ona sosializasaun lei traballadór nian ba kompaña sira. (*)
