“Loos duni ohin parlamentu kestiona mós estrada ida Sarlala ninian, nune'e mós ponte, dezeñu hotu ona, ADN (Ajensia dezenvolvimentu Nasionál) verifika ona, ita hein KAFI aprova para loke konkursu”, esplika Vise Ministru Obras Públika (MOP), Nicolao Lino Freitas iha Parlamentu Nasionál (PN), kinta (24/2).

Tanba ne'e, KAFI sei toma medida iha tempu badak oinsá bele hahú halo konstrusaun tanba parte MOP iha tinan rua liubá halo ona levantamentu dadus nomós dezeñu preparadu ona.

Kona-ba konstrui barajen ba Mota Komoro, dadauk iha ona dezeñu inklui tau ona ekipmanetu pezadu iha ne'eba hodi bele normaliza filafali mota.

“Ba mota komoro, ita iha dezeñu ona, sei haree oinsá atu aselera lalais ba normalizasaun, ita tau ona ekipamentu pezadu sira iha ne'eba, para nu fin bele normaliza, nomós dezeñu ba protesaun sira ne'e kompleta hotu ona, hein ba konkursu de'it”, esplika nia. (*)