Tanba iha ámbitu lansmentu ne'e MTKI husu ba joven sira atu hatudu nafatin nia vontade hodi Dezenvolvimentu agrofloresta sira no hakbesik ba MAP atubele integra iha programa importante ne'e.
“Hakarak mós hato'o mensagem ba juventude sira hotu ne'ebé iha interese ba área agrofloresta ninian, atu hakbesik ba Ministériu Agrikultura e peskas e nune'e mós Sekretáriadu e Programa Agrofloresta ninian atu husu informasaun atu ita-boot sira hola parte bele integra iha programa ida ne'e”, dehan nia hafoin lansa feira Agrofloresta no Turizmu iha Timor Plaza, kuarta (24/02).
Tanba Juventude nia kontribuisaun importante dezenvolve iha área agrikultura liliu iha agrofloresta nian.
“Ita-boot sira-nia kontribuisaun partisipasaun importante tebes ba dezenvolvimentu ita-nia rain ema partikular iha área agrikulturs iha área floresta ninian”, deklara nia
Ministru Agrikultura no Peskas (MAP), Pedro dos Reis, nia parte kontente tanba parseiru Dezenvolvimentu internasionál sira iha vontade ba setór agrikultura no Turizmu nian.
“Ami kontente tebes, tanba Ai ba futuru reoraganiza fali eventu feira agrofloresta no komérsiu ba daruak. Feira dahuluk halo iha Novembru 2020 iha CCD, ami apresia tebes ba GIZ bele organiza tan eventu ne'e ho susesu liu”, Apresia nia.
Durante loron tolu sei halibur hamutuk ho partisipante sira, espozitór nomós oradór sira sei fahe sira-nia esperiénsia kona-ba kadeia valór agrofloresta liuhusi feira, atu negosiu saida de’it mak halo, ida ne'e hanesan kontribui ona ba dezenvolvimentu nasaun
Country Coordinator, Rainer Schellhaas hatete, mós husu agradese ba parseiru sira iha Timor-Leste liliu ba Ministériu Kompete sira tanba apoiu ona iha aspetu implementasaun ba Uniaun Europeia nian.
“Ha'u-nia agradesimentu, espesiál ba parseiru politiku sira iha Timor-Leste ne'ebé apoia ona ami iha aspetu hotu iha ba implementasaun nomós ba Uniaun Europeia ho Ministériu Federal Alemaña ba Kooperasaun Ekónomia no Dezenvolvimentu (BMZ) ne'ebé fornese ona fundus ba projetu”, dehan nia.
Maibé la haluha mós ba ekipa organizasaun eventu feira no ba ema sira ne'ebé hola parte iha eventu ne'e, ba agrikultór sira, parseria sira husi área rurál, tanba bele koopera di'ak, hodi bele fahe tempu no esperiénsia hamutuk ho iha eventu ne'e.
Embaixadór Uniaun Europa (EU), Andrew Jacobs hatete, sira rekoñese potensiál Timor-Leste iha Agrofloresta no sustentável agrikultura, tanba ne'e setór fundamental ne'ebé bele fornese empregu no rendimentu ne'ebé barak husi timoroan sira iha área rurál no urbanas.
Bainhira jere ho forma sustentável fornese mós serbisu ba ambiente, ho adaptasaun no mitigasaun alterasoens klimátika, mak siklu virtuozu ne'ebé sei ajuda Timor-Leste kontribui ba dinámika global foun ho objetivu sustentável.
“Ami konsidera agrofloresta no agrikultura sustentável hanesan prioridade ida liuhusi atual programa Multi indikativu (MIP 2014-2020”, dehan nia.
Eventu ne'e realiza fatin iha Timor Plaza ba espozitór 36 no stand ai-hán nian no aprezentasaun halo iha plaza laran, durante loron 3, vizitante sira sei kontente ho atividade hanesan demonstrasaun ai-hán ho bumbu lokál, demonstrasaun ko'a ai ho seguru no efetivu ho ekipamentu aparu ai nian.
Tanba programa “Ai ba Futuru” - Parseria ba Sustentável Agrofloresta (PSAF), ne'ebé finansiadu husi Uniaun Europeia ho Ministériu Federal Alemaña ba Kooperasaun Ekonomia no Dezenvolvimentu (BMZ) ne'ebé implementa hamutuk ho Ministériu Agrikultura no Peskas (MAP), organiza eventu feira agrofloresta no komérsiu ba daruak hahú iha 24 to'o 26 fevereiru iha Timor-Plaza. (*)
