“Kada tinan ita, ai tuan sira, ektares rihun-sanulu-resin-rua (12.000) ne'e mai husi ita-nia lala'ok rasik ema tesi ai arbiru, sunu rai arbiru estraga tiha animal fuik nia hahán fatin”, dehan Ministru Agrikultura no Peskas (MAP), Pedro dos Reis, iha Timor Plaza, kinta (24/02).
Asaun sidadaun ne’ebé estraga ai tuan sira mak manu kakatua sira labele hela iha Timor maibé ba hotu iha nasaun sira ne'ebé mak ema konserva ai tuan sira.
“Ezemplu ki'ik ida mak manu kakatua, uluk iha Timor manu kakatua bele barak la halimar, mais manu kakatua agora ba para hotu iha rai seluk, tanba ema nia ai tuan ema konserva, ita-nia laiha hotu”, esplika nia.
Tanba ne'e, Ministériu Agrikultura no Peskas husu ba komunidade sira atu kontinua konserva ai tuan sira atu animál sira ne'ebé mak lakon ona iha Timor bele filafali. (*)