Tempotimor (Dili)-Primeiru Ministru (PM), Taur Matan Ruak, sente triste haree joven agora la hadomi Timor tanba tuda malu, oho malu, baku malu iha fatin-fatin.

"Ha'u la menta los, ha'u tristi los, tanba haree ha'u-nia oan foinsa'e sira hanesan ne'e, ita-boot sira hatene nasaun ida ne'e sé nian, ne'e jerasaun foun nian, mais ami triste fali jerasaun foun foti nia para riba tun fali ba rai, ne'e ami triste los", dehan PM Taur hafoin hasoru malu ho PR Lú Olo iha Palasíu Prezidensiál Bairopite, kinta (03/02).

Tanba uluk iha idade 18 partisipa iha funu ho  Prezidente Repúblika, no líder Xanana Gusmão, maibé joven agora mak halo funu hasoru ne'e haree triste los.

"Ami uluk ne'e la matenek barak, situasaun aat liu, mais ami hadomi los Timor, ohin ne'e imi ladun hadomi ita-nia rai", deklara nia.

Ho ida ne'e, halo apelu boot ida ba foinsa'e sira, bele difensia maibé sivizmu, respeitu, edukasaun ne'e importante, entaun la bele oho malu, la bele baku malu, la bele tuda malu, iha buat seluk ne’ebé bele halo di'ak ba ema hotu duke tuda malu no baku malu. (*)