Login to your account

Username *
Password *
Remember Me

Lú Olo Apresia Relatóriu Plenária Parlamentu Foinsa'e Refleta Duni Realidade 

Prezidente Repúblika (PR), Francisco Guterres ‘Lú Olo’, hala'o hela audénsia ho Membru Parlamentu Foinsa'e no akompaña husi Sekretáriu Estadu Juventude no Desportu (SEJD) iha Palásiu Prezidénsia Repúblika, sesta (14/01). Prezidente Repúblika (PR), Francisco Guterres ‘Lú Olo’, hala'o hela audénsia ho Membru Parlamentu Foinsa'e no akompaña husi Sekretáriu Estadu Juventude no Desportu (SEJD) iha Palásiu Prezidénsia Repúblika, sesta (14/01). Foto Suplay

Tempotimor (Dili)-Prezidente Repúblika (PR), Francisco Guterres ‘Lú Olo’, apresia rezultadu relatóriu plenária dahuluk ne'ebé aprezenta husi Parlamentu Foinsa'e, tanba reflete duni realidade sosiál ne’ebé Timor-Leste enfrenta.

"Rezultadu plenária dahuluk hatudu realidade foinsa’e sira hasoru loroloron. Rezultadu ne’e sai parte husi realidade objetu ida, presiza argumentu lójiku hodi hatutan valór no prinsípius husi ema lubuk ida ne’ebé la haree maibé husik hela obra ne’e atu hatutan”, dehan Lú Olo bainhira hala'o aúdénsia ho Parlamentu Foinsa'e iha palásiu Prezidénsia Repúblika, Bairopite, sesta (14/01).

Relatóriu ne'e aprezenta husi Membru Parlamentu Foinsa’e no akompaña direta husi Sekretáriu Estadu Juventude no Desport (SEJD), Abrão Saldanha ba Xefe Estadu.

Durante iha audésia, Prezidente Repúblika, Francisco Guterres ‘Lú Olo’ hatete, pozisaun Prezidente Repúblika hanesan aman ba nasaun hamutuk ho Orgaun Soberanu sira seluk iha relasaun ba malu no buat ne'ebe foinsa’e sira aprezenta ne’e atividade estadu tomak nian.

Tanba Estadu sempre hola medida ba foinsa’e sira, maibé solusaun ne’ebé importante liu mak tenke iha solusaun estruturante.

Delegasaun Parlamentu Foinsa'e, Nedichya Corriea Belo hatete, relatóriu ne’ebé produz husi membru Parlamentu Foinsa’e sira ne'e hala'o iha postu administrativu 63 no sub-rejiaun 2. 

Peskiza ne’ebé Parlamentu Foinaa'e sira halo ne'e mak oinsá buka hatene envolvimentu juventude sira nian iha prosesu dezenvolvimentu, no identifika dezafiu no susesu ne’ebé juventude sira hasoru.  

"Enkontru ho orgaun soberanu sira, no ohin halo enkontru ho Prezidente Repúblika parte ida halo interasaun ho orgaun Estadu sira hotu hodi aprezenta kestaun pertinente kona-ba foinsa’e sira-nia problema identifikadu husi peskiza”, dehan nia.

Sekretáriu Estadu Juventude no Desportu, Abrão Saldanha hatete, Parlamentu Foinsa’e estabelese liuhusi Rezolusaun Governu númeru 23/2009 hanesan espasu ka forum aprendizajen no ezersísiu sidadania ho objetivu dezenvolve joven sira-nia sensibilidade sosiál.

"Tanba ne’e mak ohin ha’u akompaña sira mai hato’o sira-nia rezultadu peskiza ba Prezidente Repúblika tanba Xefe  Estadu iha majistratura de influénsia hodi hatutan sira-nia preokupasaun ba orgaun sira seluk”, afirma nia.

Tanba ne'e, Sekretáriu Estadu Juventude no Desportu sei konvida Prezidente Repúblika atu marka prezenza iha enseramentu formasaun ba Parlamentu Foinsa’e ne’ebé sei hala'o iha tinan 2022 ne’e. (*)

Rate this item
(0 votes)
Last modified on Sunday, 16 January 2022 13:36
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2022 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter