Diretór Servisu Edukasaun Munisípal Baukau, Augusto Ornai Ximenes hatete, reuniaun hela ho parte diritivu eskola sira mak simu informasaun husi EBF Bukoli, relasiona ho inseidente ne'e, nune'e orienta kedas parte tekniku edukasaun Munisípal to'o kedas iha tereñu no hasai ona fotografia.
"Relasiona ho akontesementu iha EBF 1.2.3 siklu bukoli, horseik ami reuniaun simu informasaun tekniku sira ba haree verbalmente relata ona ba Ministéiru da Edukasaun," dehan Augusto, kinta (23/12).
Tanba ne'e, ékipa diresaun jerál no inkluzaun no sei akompañia husi tekníku Munisípal ba haree direita fatin akontese hodi bele responde provijóriamente.
Maibé, nia parte seidauk bele fó komentáriu ruma kona-ba bainhira mak konstrui hikas fali edifísiu-2 kompostu husi sala-7 ne'ebé hetan estragus.
"Ida ne'e, ha'u labele promete, tanba sasan la'os iha ha'u nia liman, tanba Ministéiru iha ami nia eskola lubuk-ida ami aprezenta ba buat-ida apoiu emerjénsia ne'e dala ruma mai tarde," nia hatete
Maske nune'e, maibé sei iha tempu ba MEJD atu halo asaun sosial no apoiu provijóriamente hodi konstrui hikas. (*)