Diretór Ezekutivu SFF, Juvencio dos Santos hatete, prosesu graduasaun no fahe sertidikadu ida ne'e nu’udar faze datoluk nian, ne’ebé sira fó ba estudante sira inklui entrega sertifikadu.

"Totál estudante 157, entre departamentu tolu, hanesan lingua Inglés, portugués, no área informátika”, dehan nia iha Salaun Universidade Oriental Timor Lorosa'e (UNITAL), domingu (12/12).

Kona-ba prosesu fahe sertifikadu ba estudante ne'e, tanba durante ne'e estudante sira tuir formasaun iha tinan kotuk (2020) ho tinan ida ne'e (2021) ninian, no sira kumpre ona dever no obrigasaun nu’udar estudante, nomós sira halo proposta monografia, depois ba tuir ezame finál.

"Depois halo planu hanaran graduasaun, uza sistema hanesan akadémiku ninian. Maske iha tempu ne’ebé limitadu, ho formasaun durasaun ba fulan neen de'it”, esplika nia.

Purtantu Sentru Formasaun Foemoko ne'e hanesan Organizasaun Nasionál ba monitorizasaun no kapasitasaun, iha departamentu haat mak hanesan Lian portugués, inglés informatika inklui administrasaun.

Maibé formasaun ba administrasaun nian, tinan 2021 ne'e mak foin atu estabelese no tinan oin (2022) mak foin bele fó graduasaun ba estudante sira. (*)