Login to your account

Username *
Password *
Remember Me

Dioseze Baukau Selebra Loron-40 Dom Basílio Husik Hela Sarani Tomak

Amu Bispo Dom Basílio do Nasimento. Amu Bispo Dom Basílio do Nasimento. Foto Suplay

Tempotimor (Baukau)-Loron 11 fulan-dezembru tinan 2021, Dioseze Baukau selebra misa ba Amu Bispo Dom Basílio do Nasimento nia mate ne’ebé kompleta loron-40 husik hela ona sarani tomak iha mundu.

Nune’e, sarani sira iha Parókia Santo António vila antiga no vila nova Baukau selebra misa ba loron-40 Amu Bispo Dom Basílio do Nasimento nia mate.

Padre Administradór Apostóliku Dioseze Baukau, Alípio Pinto Gusmão hatete, maske Dioseze Baukau lakon Bibi atan di'ak hanesan Dom Basílio, maibé iha selebrasaun loron-40 fó hikas vida foun.

"Ohin ita selebra loron-40 ita nia Bispo Dom Basílio do Nasimento ne'ebé husik ita tomak, husik familia pastoral, husik familia espiritual, maske nune'e ita nafatin laran metin ba ita na'in jesus kristu nia komprimisiu", Dehan Pe.Manuel, sabadu (11/12).

Tuir fiar katólika, selebrasaun loron-40 ba Amu Bispo Dom Basílio do Nasimento nia mate ne’e hanesan loron Dom Basílio tama ba iha lalehan.

Tanba, liuhusi Omelia Padre Paroku Parókia Santo António Baukau, Manuel da Silva Ximenes, SDB mós hatete, selebrasaun loron-40 ba Amu Bispo Dom Basílio do Nasimento nia mate monu iha tempu Adventu, tanba ne'e tempu ne'e importante.

"Korenta dias ne'e vida foun no ida ne'e mak ha'u hanoin loron importante ita diosezanu Baukau, no família tomak Dom Basílio nian, ita hanoin memoria ita nia esperansa katak depois de mate moris hias ba lalehan", dehan Administradór Diozese Baukau

Tanba, Jesus Kristu rasik hatete ona, ema ne'ebé fiar ba nia, maske mate, maibé nia sei moris ba nafatin, tanba ne'e husu ema hotu fiar no konfia ba Maromak hanesan Amu Bispo Dom Basílio do Nasimento rasik fiar metin no konfia iha Maromak.

Dom Basílio nia vertude ema hotu fó sasin, liuhusi Maromak nia fiar ba Dom Basílio sai Bibi atan di'ak ba Uma Kreda Diozese Baukau durante tinan-25 nia laran to'o iis kotu.

"Nia fila hikas ba ida ne'ebé fihir nia, ida ne'ebé nia hadomi tebes no ida ne'ebé hadomi tebes nia", dehan nia

Bainhira Amu Bispo Dom Basílio do Nasimento moras atake iha Suai lori ba Ospitál Nasionál Guido Valadares (HNGV‐sigla portugues) pesoál saúde sira esforsu makas atu salva, maibé Aman Maromak rasik iha planu seluk ba Dom Basílio.

Maibé, durante Dom Basílio nia moris mós ema barak aprende no sente husi Dom Basílio hanesan ema ne'ebé sai Aman laran luak no sai hilas Maromak nian ne'ebé loos.

Dom Basílio do Nasimento Moris iha loron 15 fulan-juñu tinan 1950 iha Suai, Munisípiu Kovalima no hahú lidera Dioseze Baukau iha loron 19 fulan-Marsu tinan 1997. Simu ordenasaun Sacerdote (Padre) iha loron 25 fulan-juñu tinan 1977 no ordena nu'udar Bispu iha loron 6 fulan-janeiru tinan 1997 husi Papa João II.

Bispu Basílio lidera Dioceze Baukau durante tinan 25 to'o hakotu iis iha loron 30 fulan-outumbru tinan 2021 iha HNGV no hakoi iha igreja katedral vila Antiga Baukau iha loron 4 fulan-novembru tinan 2021. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter