Login to your account

Username *
Password *
Remember Me

MAPKomS Atribui Sertifikadu ba Formandu 183 Husi CEFTEC

Ministru Asuntu Parlamentár no Komunikasaun Sosiál (MAPKomS), Francisco Martins Jerónimo, atribui sertifikadu ba formandu, iha salaun Delta Nova, sesta (10/12). Ministru Asuntu Parlamentár no Komunikasaun Sosiál (MAPKomS), Francisco Martins Jerónimo, atribui sertifikadu ba formandu, iha salaun Delta Nova, sesta (10/12). Foto Suplay

Tempotimor (Dili)-Ministru Asuntu Parlamentár no Komunikasaun Sosiál (MAPKomS), Francisco Martins Jerónimo, atribui sertifikadu ba formandu hamutuk 183 husi sentru formasaun tékniku iha komunikasaun (Ceftec).

Iha atribuisaun sertifikadu ne'e, Ministru Francisco Jerónimo apresia ho esforsu formandu sira durante ne'e, maske iha situasaun pandemia nia laran.

"Parabéns ba formandus sira, ita-boot sira merese hetan sertifikadu ne'e tanba ita-boot sira halo ona esforsu barak, liuliu iha situasaun ne'ebé difísil tebes pandemia Covid-19, maibé ita-boot sira la lakon Esperansa la lakon vontade hodi mai partisipa iha formasaun ne'e hodi konklui ho tempu ne'ebé determinadu, nune'e apresia tebes ho esforsu ne'e”, dehan Ministru Francisco, iha Salaun Delta Nova, sesta (10/12).

Tanba ne’e, hatudu formandu sira iha vontade atu buka saida mak sira seidauk hetan mó hatene, nune'e husu atu aprende nafatin hodi sai susesu liután no sai ezemplu di'ak ba sosiedade nia leet.

Sekretáriu Estadu Komunikasaun Sosiál, Mericio Juvinal dos Reis 'Akara', mós fó apresiasaun ba formandu sira-nia susesu ne'e, tanba esforsu ne'e iha difikuldade barak mak sira hasoru.

Tanba mundu enfrenta situation pandemia Covid-19 inklui Timor-Leste, maibé formandu sira la lakon esperansa hodi tuir formasaun ne'e to’o remata.

"Ne'e hanesan orgullu boot, tanba ita haree ita-boot sira iha interese maka’as atu partisipa, maske formandu sira ne'e iha ona kargu hotu maibé nafatin mai tuir formasaun, ne'e siknifika ita-boot sira iha vontade tebes atu nafatin aprende buat foun ou buat seluk ne'ebé ita-boot sira seidauk hatene”, hatete nia.

Roumaldo Antonio Soares, ne’ebé reprezentante formandu sira hotu agradese ba ekipa Ceftec liliu SEKomS tanba bele oferese ona formasaun sira ne'e ba joven sira hodi aprende di'ak liután iha área oioin.

"Agradese wain tebes ba ekipa hotu ne'ebé oferese ona kursu ne'e mai ami atu aprende ho di'ak liután iha área profesionalizmu kada ida-idak nia profisaun ne'ebé iha”, afirma nia.

Entretantu formasaun ne'e iha nia abrajen unidade ualu (8) no nia durasaun fulan sia, hahú husi fulan-marsu to’o mai iha fulan-outubro tinan 2021. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter