Martinho Gusmão La’ós ona Na’i-Lulik, Maibé Bele Absolve Pekadu

Martinho Germano da Silva Gusmão. Martinho Germano da Silva Gusmão. Foto Suplay

Tempotimor (Dili)-Amu Papa Francisco iha loron 13 Outubru 2021 deside hodi demite padre Martinho Germano da Silva Gusmão, husi kna’ar na’i-lulik, maibé lei kanónika númeru 976 CIC 83 kontinua fó kompeténsia bele absolve ema nia pekadu.

Liuhusi karta ne’ebé fó sai iha loron 21 Novembru 2021 hetan asinatura husi Adminitradór Diosezanu Dioseze Baukau, Pé, Alípio Ponto Gusmão no Vise Chanceler Dioseze Baukau, Dc, Deonísio F.D. Guterres Soares, hakarak komunika ba, reverendu padre, relijiozu sira no sarani sira iha Timor-Leste laran tomak katak, relasiona ho Pé. Martinho Germano da Silva Gusmáo ne'ebé husu atu demite nia kna’ar nu'udar na’i-lulik, tanba ne’e, iha loron 25 janeiru 2020, Pe. Martinho hato’o karta ida ba Amu Bispu Dom Basílio do Nascimento (matebian) hodi husu demisaun ba nia ministériu saserdotál.

"Iha loron 4 fevereiru 2021 Pe. Martinho Germano da Silva Gusmáo haruka karta reskritu ba Amu Papa Francisco hodi husu karta demisaun do estadu klerikál no iha loron 30 agostu 2021 Amu Bispu Dom Basílio do Nascimento suspende Pe. Martinho Germano da Silva Gusmão husi nia kna’ar nu'udar na’i-lulik”, dehan iha komunikadu ne'ebé www.tempotimosair.com asesu, husi Dioseze Baukau, sábadu (20/11).

Responde ba karta reskritu ne'ebé Pé. Martinho Gusmão haruka ba Santu Padre Papa Francisco iha loron 4 fevereiru 2021, nune’e iha  loron 13 Outubru  2021 demite ona padre Martinho Gusmão.

"Santu padre Papa Francisco liuhusi kongregasaun ba evangelizasaun povu ho númeru  protokolu nú. 3593/21 katak, Pé. Martinho Germano da Silva Gusmáo husik ona nia kna’ar (dever no obrigasaun) tomak nu'daru nai-lulik.(cfr. Can. 290 §3)”, sita iha karta refere.

Ho ida ne'e, husi ohin ba oin, Martinho Germano da Silva Gusmão sei hala'o nia vida hanesan ema leiju baibain no kontinua nafatin fó testemuña hanesan sarani di'ak.

"Señor Martinho hala‘o nia vida hanesan leiju bai-bain iha sosiedade, maibé sakramentu orden ne'ebé nia simu inkanselavel. Tanba ne’e, sarani hirak ne’ebé iha situasaun perigu de morte no na’i-lulik laiha liu kedas atubele atende konfesaun, Señor Matinho Gusmão bele atende konfesaun no absolve validamente pekado sira (cfr. Can 976 CIC 83)”, deklara komunikadu ne’e.

Iha ne'e, igreja Katólika agradese ba Martinho Gusmão ne'ebé durante tinan barak serbi ona uma kreda liuhusi nia kna’ar nu'udar na’i-lulik, kontinua reza ba Martinho Gusmão atu nia bele sai nafatin leiju ne'ebé di'ak no kontinua fó testemuña fiar nu'udar sarani kristaun iha sosiedade. (*)

Rate this item
(1 Vote)
Last modified on Sunday, 21 November 2021 00:53
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter