“Sirkular sai tiha ona katak eskola sira ne'ebé durante ne'e reativa, sira presiza rekuperasaun ba aula prezensiál, tanba tempu barak que lakon ona, entaun rekupera filafali ao mesmu tempu sira ne'ebé rekupera hotu ona bele halo dadaun ona ezame segundu periodu to’o 11 de setembru, ne'e siknifika 11 setembru ne'e remata hotu ona”, dehan Armindo Maia iha salaun MEJD, Vilaverde, tersa (10/08).
Maibé relasiona ho preokupasaun husi Ministra Saúde, Odete Maria Freitas Belo, ne'ebé hato'o númeru kazu Covid-19 aumenta maka’as nune'e parte saúde husu atubele suspende atividade aula prezensiál.
Maibé kona-ba suspensaun atividade aula prezensiál ne'e MEJD sei haree kazu por kazu no la'ós suspende hotu kedas atividade sira.
“Ita sei haree kazu por kazu seraque ita taka munisípiu tomak ka eskola balu balun, ita labele dehan suspende ita suspende hotu kedas, ita tenke kupera malu”, afirma nita. (*)
