Tanba akordu ne’e atu hadi’a edukasaun Teknolojia Informasaun no Komunikasaun (ICT) ba Eskola Sekundáriu Jerál Tékniku no Profesionál hodi ajuda estudante no profesór sira-nia koñesimentu.

"Inisiativa ida ne'e sei ajuda ita-nia estudante no profesór sira iha eskola sekundária jerál no tékniku profisionál hodi hasa’e sira-nia abilidade no koñesimentu, hodi habelar tan sira-nia dalan ba aprendizajen no hanoin”, dehan Ministru Edukasaun Juventude no Desportu, Armindo Maia iha salaun MEJD, Vilaverde, tersa (10/08).

Ho ida ne'e sei kontribui ba planu estratéjiku edukasaun Timor-Leste ne'ebé realsa importánsia aplikasaun prátika kona-ba koñesimentu relevante ba prosesu produtivu sira, no prepara estudante sira hodi tama iha merkadu traballu nia.

Parseria UNDP ho MEJD ne'e, sei servisu hamutuk atu dezenvolve projetu durante tinan lima hahú husi 2021 too 2025 no ba implementasaun programa ne'e sei hahú uluk iha eskola Dili laran hafoin ba to’o iha Munisípiu.

AJuntu Reprezentante Rezidente UNDP, Lazima Onta-Bhatta, agradese ba MEJD ne'ebé iha fiar ba sira hodi apoiu ba inisiativa foun ne'e atu dezenvolve projetu edukasaun ICT ba nasaun.

"Agradese ba fiar mai ami hodi apoiu ba inisiativa foun ne'e atu dezenvolve projetu edukasaun ICT ba nasaun Timor-Leste ne'ebé utiliza no realizasaun lisaun sira ne'ebé aprende husi projetu edukasaun ICT”, dehan nia.

Entretantu ba kooperasaun UNDP mak sei apoiu asisténsia teknikamente no MEJD aloka orsamentu ba implementasaun programa iha tinan 2021 ne'e ho montante rihun US$100. (*)