Maske, Prezidente Repúblika (PR) aprova ona millaun US$3.2 ba Ministériu Edukasaun atu prepara pulsa ba estudante ensinu báziku to'o sekundáriu.

Tanba ne’e, profesór iha área rurál, husi Eskola 3⁰ Ciclo Letemumo, Vergílio Freitas hatete, planu Ministériu Edukasaun di'ak liu muda ba halo atividade tanba estudante barak la kaer telemóvel.

"Agradese ba na’i-ulun sira tanba bele atende ona estudante sira atu hola pulsa maibé difikuldade ne'ebé estudante sira barak hasoru mak ne'e, iha área rurál ida ne'e barak liu mak laiha telemovél”, afirma Virgílio liuhusi telefone, sábadu (08/05)

Maske profesór sira ne’ebé uza telemóvel adroid hetan difikudade husi rede internet, tanba iha área rurál dala barak hasoru problema rede.

"Difikuldade ida tan mak mak rede atu asesu ba internet ne'e difísil, ami ne'ebé iha ona telefone, ida ne'e mak difikuldade ba ami sira ne'ebé iha área rurál, se bele karik buka fali dalan seluk maibé ida ne'e laiha folin”, dehan nia.

Antes ne'e, Ministru Edukasaun Juventude no Desportu (MEJD), Armindo Maia, hateten, orsamentu ratifikativu apoiu estudante hola pulsa hamutuk ho montante miliaun USD$ 3.2 hodi apoiu ba estudante sira.

"Orsamentu ratifikativu ba ida ne'e mós aprova ona, orsamentu fó apoiu ba estudante hola pulsa atu asesu ba programa eskola ba uma", Dehan nia (*)