Haree ba udan no anin boot ne’ebé mosu iha loron sábadu no domingu (03-04/04) hamosu inundasaun iha territóriu tomak halo konunidade barak mak lakon uma no balun lakon vida.

Tanba ne’e, Papa Franciscos husi kongregasaun Jesuita no ema dahuluk husi Amerika latina ne’ebé sai Amo Papa, reza ba sarani sira ne’ebé hetan susar hanesan mós iha Timor-Leste.

“Ha’u tenke assegura ha’u-nia hanoin iha orasaun ba vítima sira inundasaun ne’ebé iha loron sira liubá ataka Indonézia no Timor-Leste. Na’in simu defunto sira, haraik kbi’it ba família sira no sustensa ema hirak ne’ebé lakon sira-nia hela fatin”, Pap Francisco hato’o lia hirak ne’e iha Vatikanu, kuarta (07/04).

Papa Fransiscos ne’ebé halo orasaun ho lian Latina ba povu sira ne’ebé akompaña liuhusi transmisaun direta husi Vatikanu.

Amo papa Franciscos ne’ebé reza ba vítima inundasaun iha nasaun Timor-Leste, ante ne’e halo ona vizita pastoral ba nasaun sira iha Azia hanesan Korea Sul, Bazil, Fiipina, Sri Lanka, Amerika Latina, Kuba iha tinan 2015 no iha tinan 2021 halo vizita ba nasaun Irake.

Tuir planu amo Papa mós sei halo vizita mai Timor-Leste no Indonésia maibé pandemia Covid-19 mak seidauk bele determina loron vizita ne’e rasik. (*)