UNPAZ Fó Grau Mastradu ba Saudozu Buka Tuir

Lideransa UNPAZ presta omenajen ikus ba Saudozu Buka Tuir iha nia rezidensia ofisial, iha Kolmera Dili (23/10) Lideransa UNPAZ presta omenajen ikus ba Saudozu Buka Tuir iha nia rezidensia ofisial, iha Kolmera Dili (23/10) Foto Tempo Timor

Tempotimor (Dili)-Universidade da Paz (UNPAZ) fó grau Mastradu ba saudozu João Francisco de Fátima "Buka Tuir" tanba kompleta ona prosesu estudu nian no hein de’it graduasaun.

Saudozu Buka Tuir ne’ebé hala’o estudu iha UNPAZ tenke husik mundu ne’e iha Kinta (22/10).

Reitór UNPAZ Adolmando Amaral katak, saudozu refere hala'o estudu iha UNPAZ iha fakuldade direitu ba maestradu nian.

"Nia kompleta ona ninia estudu, ezame proposta iha tinan kotuk, depois ezame monografia iha inísiu tinan ne'e, entaun nia mós kompleta ona administrasaun ba graduasaun nian ne'ebé ami planeia ba 21 Dezembru tinan ne'e," dehan Reitór Adolmando iha Kuartel Jerál Fatuhada-Dili, Sesta (23/10).

Reitór ne'e mós dehan, komu saudozu la konsege to'o loron ne'ebé planeia ona, mak universidade deside hodi fó uluk graduasaun ba saudozu, molok ba subar.

Iha fatin hanesan, xefe estadu maiór F-FDTL Maijór Jenerál Lere Anan Timur mós promove saudozu Buka Tuir ba iha diviza koronel.

"Promove ne'e rehra militar nian, sira ne'ebé mate ho títulu ita promove tuir títulu ne'ebé sei mai, entaun saudozu ne'e nia iha infantaria katak nia títulu mak tanente koronel, entaun ida ne'e mak fó promosaun ba títulu koronel, ka komandante mar de guerra," dehan Jenerál Lere.

Iha promosaun ne'e mós, familia F-FDTL no familia saudozu nian fó omenajem ikus ba saudozu molok dezloka ba moris fatin hodi halo tuir kultura.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« March 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks