“Kazu konfrontu ne’e ninian motivu makaentre Grupu Arte Marsiál Ikatan Kera Sakti (IKS) no Persaudaraan Setia Hati Terrate (PSHT), hahú sira tawar malu, atu sparing iha área kampus nian mak to’o mosu tiha konfrontu”, informa Komandante Eskuadra Dom Aleixo, Inspestór Asistente, Americo Fatíma, liuuhusi telefone, kinta (12/05).

Hafoin kazu ne’e akontese ekipa Komandu eskuadra Dom Aleixo halo kedan intervensaun ba situsaun iha área UNPAZ.

“Ita konsege halo indentifikasaun ba vítima sira no suspeitu sira no liuhusi identifiksaun ne’e, ita dadaun ne’e suspeita hela ema na’in-rua suspeitu na’in-rua nia inisiál ha’u ladun hatene, maibé agora dadaun ita detein ona sira na’in-rua iha sela detensaun Komandu PNTL Eskuadra Dom Aleixo nian durante oras 72. No vítima sira iha konfrontu ne’e iha ema na’in-tolu, ida mak kanek grave no suku pontu neen iha ulun, na’in-rua seluk kanek kama’an, dadaun ami haruka sira fila ona”, esplika nia.

Tanba ne’e, Komandu PNTL Eskuadra Dom Aleixo sei kontinua buka tuir suspeitu husi konfrontu ne’e hodi submete ba investigasaun. (*)