Iha Sesta (18/9), professor na’in 15 ne’e akompaña direta husi Kordenador ESJ marka audensia ho Prezidente Parlamentu Nasional Aniceto Guteres Lopes.
Iha sorumutu ne'e, Kordenador ESJ Dom Carlos husu ba Parlamentu Nasional atu buka identifika fukun loloos ne'e iha ne'ebé.
Tuir nia, iha loron 6 Agostu 2018, ekipa reverfikasaun husi ministeriu edukasaun ba, iha ba diretamente iha ESJ Dom Carlos, sira deklara hatete katak profesores na’in 15 priense ona rekezitus no hein deit atu asina kontratu.
Nune'e iha naran profesor 15 ne'ebe mós tama duni iha lista definitivu Edukuasun munisipiu Baucau maibe iha asina kontratu ne'e, lista definitivu nain 29 ne'e, so 14 mak konsege asina no nain 15 husi Dom Carlos la asina.
"Tanba ne'e ami mai rekomenda ba PN atu buka tok problema ne'e iha ne'ebe loos, ne'e mak profesor nain 15 kontinua sai vitima fali ba oitavu governu ida ne'e,"kestiona Kordenadór Carlos Ximenes Filipe hafoin remata audensia ho Prezidente Parlamentu Nasional Aniceto Guteres.
Nia parte lamenta mós, diretor edukasaun munisipiu baucau, tanba haree katak tuir lolos edukasun munisipiu baucau labele foti uluk desizaun atu fo kontratu ba nain 14 ne'ebe asina ona komtratu, tanba laiha diferensia kuandu lista ne'e hamutuk 29 maibe 14 asina.
Nia husu atu MEJD tenke tau matan ona ba profesores 15 ne'ebe hanorin durante tinan 7 nian laran, tanba atu dudu jerasaun foun sira, profesor sira mós presiza iha nesesidade uma laran.
Nia afirma, aleinde problma profesores, iha mós problema edifisiu ESJ Dom Carlos tanba durnte ne'e ESJ Dom Carlos Ejisti no hetan ona legalidade husi Parte MEJD mas laiha edifisiu propiu ba sira atu bele uza ba aprendijazen.
Hatan ba kestaun ne'e reprezentante Komisaun G, trata Asuntu edukasaun iha PN, deputadu António Verdial Promete, tempu badak sei tatoli kestaun ida ne'e ba Ministeriu Edukasaun Juventude no desposrtu.