Sosializasaun ne’ebé hala’o iha salaun IBO, Fomentu, tersa (07/03) ne’e, atu informa lala’ok atividade no programa husi IDÚ ba estudante foun IOB no komisaun organizadora tinan akademiku atu bele hatene no hatutan ba ema seluk, tanba estudnate mós sai hanesan kamada importante ida iha komunidade hodi hatutan informasaun ba sosiedade.

Koordenadór Komunikasaun Interinu, Diogo de Jesus Carvalho hatete, ekipa IDÚ agradese ba komisaun organizadór no estrutura iha IOB, tanba bele fasilita no kolabora hodi realiza atividade sosializasaun.

Iha aprezentasaun kona-ba inisíativa implemetasaun programa IDÚ hetan reasaun no apresiasaun no estudante sira mós sente kontente hodi akompaña informasaun sira kona-ba IDÚ.

 Tanba Identidade Úniku ne’e, identidade dijitál ida ne’ebé verifika no autentika identidade husi sidadaun ida-idak, nune’e IDÚ mosu atu fasilita servisu administrasaun públika no servisu atendimentu públiku sira.

Atividade sosializasaun ne’e hetan partisipasaun husi estudante foun fakuldade ICT ho departamentu 4, fakuldade ekonomia no negósiu departamentu 4, no fakuldade turizmu iha departamentu 2, nune’e totál estudante ne’ebé partisipa iha sosializasaun hamutuk 500-resin.

Akompaña mós husi komisaun organizadora orientasaun tinan akademiku 2023, estrutura IOB, Koordenadór Komunikasaun Interinu, Diogo de Jesus Carvalho, ofisiál Rejistrasaun IDÚ, Antonio Soares Lemos, no Felizmina Zela Costa Akoyt, no partisipante sira seluk. (*)