Login to your account

Username *
Password *
Remember Me

Vise MAE Halo Abertura Reforsa Implementasaun Programa Merenda Eskolar

Vise Ministru Administrasaun Estatal, Lino de Jesus Torrezão. Vise Ministru Administrasaun Estatal, Lino de Jesus Torrezão. Foto Suplay

Tempotimor (Dili)-Vise Ministru Administrasaun Estatal, Lino de Jesus Torrezão, halo abertura Programa Merenda Eskolar kona-ba reforsa implementasaun programa merenda eskolar, ne’ebé hetan apoiu finansiamentu husi departamentu agrikultura liuhusi programa Edukasaun no nutrisaun HATUTAN.

Tuir informasaun ne’ebé www.tempotimor.com asesu husi pájina MAE, sesta (15/07) katak, liuhusi programa edukasaun no nutrisaun HATUTAN ho kolaborasaun Gabinete Primeriu Ministru, Pontu Fokál ba movimentu hadi’ak nutrisaun, movimentu hadi’ak nutrisaun inklui hasa’e implementasaun programa merenda eskolar hanesan komponente xave husi komitmentu Governu nian hodi kombate mánutrisaun no hametin kualidade edukasaun.

Ministériu Administrasaun Estatál atu fahe planu no aumenta investimentu iha programa merenda eskolar ho proposta aumenta 25 sentavu ba 42 sentavu ba kada merenda ba alunu ida iha loron ida.

Nune’e Ministériu Edukasaun Juventude no Desportu (MEJD) aprezenta programa merenda eskolar nia politika no fasilita diskusaun painál oinsá bele prevene korrupsaun hodi masimiza orsamentu estadu nian ba benefisiu alunu Timoroan.

Painel inklui partisipante husi Komisaun Anti Korrupsaun, provedoria, Kamara Kontas, deputadu parlamentu nia no organijasaun sosiedade sivil.

Semináriu ne’e sei inklui mós ezemplu pozitvu balun oinsá inan-aman no pesoál edukasaun konsege halo monitorizasaun ho susesu ba programa merenda eskolar iha sira nia eskola lokál liuhusi Asosiasaun inan-aman no profesór.

Programa HATUTAN hala’o atividade durante tina lima ne’ebé implementa liuhusi CARE, Mercy Corps no WaterAid iha parseria ho MEJD, Ministériu Saúde, Ministériu Administrasaun Estatál, no Ministeriu Agrikultura no Peska.

Programa ne’e hala’o tuir orientasaun memorandu entendementu ida entre MEJD no CARE.

Ba programa HATUTAN apoiu Governu Timor-Leste nian hodi hadi’ak kobertura no implementasaun regular ba merenda eskolar iha nível nasionál no haforsa tan kualidade merenda eskola munisípiu haat mak hanesan, Ainaro, Ermera, Likisá no Manatutu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter