Tanba, iha loron kuarezma prezisa halo karidade ba maluk sira liuhusi esmola no haboot fiar liuhusi orasaun ho hakraik aan, nune'e aman Maromak bele fó tulun kolen ne'ebé nia kriatura halo.

"Halo sejum ne'e tuir orientasaun uma kréda nian, dehan iha sesta feira tempu kuarezma nian hamenus hahan labele han na'an, iha mós sejum seluk ita halo, fuma hemu tua halo hahalok sira gasta osan hamenus ida ne'e, atu osan ne'ebé iha halo karidade tulun ema seluk," dehan Administradór Apostóliku Dioseze Baukau, Padre Alípio Pinto Gusmão liuhusi Omelia iha katerdral vila antiga, kuarta (02/03).

Hahalok sira ne'e mak, uma kreda husu ba sarani sira atu banati tuir prioridade iha tempu kuarezma ne'ebé hahú ho kuarta feira sinzas.

Kuarezma hanesan tempu forte atu halo konversaun hakribi'it sala espresa liuhusi dalan oin-oin hanesan karidade halo di'ak no tulun ema seluk haboot fiar ho orsaun inklui halo sejum.

Alende ne’e, sarani sira simu sinál husi kose ahukdesan iha rentos ne’e, konvensaun atu hadi'a hanoin tuir Maromak nia vontade.

"Kuarta feira sinzas ne'e, kose ahukdesan ba rentos sinál konversaun nian, tanba ne'e liturjia konvida sarani tomak durante tempu kuarezma ne'e, buka halo konversaun husi sala pekadu sira, maibé konversaun ne'e mós buka hadi'a ita nia aan husi ita nia hanoin rasik tuir maromak nia vontade," nia haklaken

Tanba ne'e, loron sinzas ohin uma kréda universál hahú tama liturjiku kuarezma hodi selebra misa kuarezma durante loron-40 hodi sarani prepara aan selebra Kristu nia terus, mate no moris hias iha semana santa.

Nune'e, husu sarani sira prepara aan di'ak hodi selebra festa paskoa, tanba depois Jesus Kristu nia mate sei moris hias. (*)