Tempotimor (Baukau) - Ofisial Polísiamentu Suku (OPS) Suku Gariuai, Postu Administrativu Baukau Vila, Munisípiu Baukau dadaun kontinua halo investigasaun atu buka tuir autór sira ne’ebé tuda karreta Bus iha dalan.

Joven balun iha suku Gariuai área semiteriu nian tuda kareta Bus husi Vikeke ne’ebé atu viajen ba Dili iha loron sesta 05 fulan-novembru tinan 2021 parte lorokraik.

"Problema ne'e akontese horbainrua kedas labarik sira tuda kareta, ne'e mak foin sira tau fali iha media sosial, ne'ebé aban ami kontinua halo investigasaun", dehan OPS Gariuia, Ermezildo Ximenes ba www.tempotimor.com via-telefone, domingu (07/11).

Nia esplika, akontesimentu ne'e, parte kundutór la halo keixa ba polísia eskuadra baukau vila, maibé OPS kontinua halo investigasaun atu hatene lolós ema sira ne’eb’e envolve iha asaun refere. (*)

Tempotimor (Baukau)- Xefe Suku Laisorulai de Baixo, Julio Farkhus Pinto konsidera Konsellu Administrasaun Fundu Infraestrutura (KAFI) budu proposta konstrusaun estrada diresaun husi Suku Abafala, Postu Administrativu Kelikai, Munisípiu Baukau ba area Defalasi, Suku Nahareka, Postu Administrativu Ossu, Munisipiu Vikeke, ne’ebé ho kilometru 21,7.

Tempotimor (Baukau) - Sentru formasaun Asosiasaun Unidade Feto ba Dezenvolvimentu (AUFD) iha Munisípiu Baukau, sai hanesan ponte ba foinsa'e sira atu kompete iha kampu traballu.

"Ami hanesan sai ponte ida ba sira, ne'e mak durante ami utiliza loke área 6 iha formasaun, ami mós oferese área 2 gratuitu ba sira, signifika estudante sira hili ona programa 2 ou 3 ba leten, ami oferese área 2 gratuitu ba sira", dehan Diretóra AUFD, Bendita Amaral de Jesus ba www.tempotimor.com iha nia kna'ar fatin plánaltu, sabadu (06/11).

Nune’e, programa iha sentru formasaun hamutuk 6 ne’ebé kompostu husi Ingles, Portugues, Administrasaun, Komputadór, Jornalismu bazíku no Lideransa.

Nia dehan, bainhira formadu sira remata formasaun iha área Administrasaun Munisípiu Baukau, maibé ba jornalismu sei tuun ba estajiu iha média sira ne'ebé estabelese iha nasionál.

Sentru formasaun ne'e hahú iha tinan 2019 to'o mai tinan 2020 durante periodu rua nia laran forma ona ema nai-n-8 ne’ebé konsege hetan ona servisu no sira mós kria kampu traballu ba joven balun.

Husi faze inisíu tinan 2019 to'o tinan 2021 formadu ne'ebé tuir formasaun iha sentru formasaun AUFD hamutuk na’in 200-resin ona.

Tanba ne’e, mensajen ba foinsa'e sira iha Munisípiu Baukau lalika lakon vontade ba aprende iha kualker área, tanba aprende hanesan bukae atu bele kompete ba kampu traballu iha futuru. (*)

Tempotimor (Díli)-Estudante Finalista Universidade Nasionál Timor Lorosa'e (UNTL) husi Fakuldade Siénsia Sosiais (FCS) na'in-76 tuir Judisium ba dala-25 hodi prepara ba graduasaun.

Tempotimor (Díli)-Sekretáriu Estadu Kooperativa (SEKoop), Elizário Ferreira, hamutuk ho nia estrutura halo audiénsia Públika ho Komisaun D Parlamentu Nasionál (PN) ba proposta Orsamentu Jerál Estadu (OJE) ho montante millaun US$4.6.

Tempotimor (Baukau) - Triajen Ospital Regionál Eduardo Ximenes (HoREX) Buakau kontinua funsiona hodi fó teste swab ba sidadaun ne'ebé deskonfia iha sinais covid-19.

Tempotimor (Dili)-Minstériu Administrasaun Estatal (MAE) deside prevé Millaun US$13 iha Proposta Orsamentu Jerál Estadu (OJE) atubele koloka ba kriasaun Fundu Espesiál dezenvolvimentu Ataúru iha tinan 2022.

Tempotimor (Dili)-Ministru Administrasaun Estatal (MAE), Minguel Pereira de Carvalho konsidera Sekretáriu Tékniku Administrasaun Eleitorál (STAE) prontu ona atu realiza eleisaun Prezidensiál Repúblika iha tinan 2022.

Tempotimor (Dili)-Ministru Obras Públikas (MOP), Salvador Eugénio Soares dos Reis Pires hatete, tetu  Orsamentu Jerál Estadu (OJE) ba Ministériu Obras Públika iha tinan fiskál 2022, aloka de'it millaun US$ 160,431.417 tanba sofre redusaun pursentu tolunulu-resin-tolu (33%).

Tempotimor (Dili)-Taxa ezekusaun reál Fundu Covid-19 to’o iha inisiu fulan daruak, Trimestre dahaat atinje ona pursentu 41 (41%) ho montante millaun US$117,7 husi totál orsamentu alokadu millaun US$287,6.