Login to your account

Username *
Password *
Remember Me

Tetu OJE 2022 ba MOP 'Sofre' Redusaun Pursentu 33

Ministru Obras Públikas (MOP), Salvador Eugénio Soares dos Reis Pires. Ministru Obras Públikas (MOP), Salvador Eugénio Soares dos Reis Pires. Foto Suplay

Tempotimor (Dili)-Ministru Obras Públikas (MOP), Salvador Eugénio Soares dos Reis Pires hatete, tetu  Orsamentu Jerál Estadu (OJE) ba Ministériu Obras Públika iha tinan fiskál 2022, aloka de'it millaun US$ 160,431.417 tanba sofre redusaun pursentu tolunulu-resin-tolu (33%).

“Proposta OJE 2022 nian ba Ministériu Obras Públikas hetan alokasaun orsamentu hamutuk Millaun $160 dollar resin ne’ebé sofre redusaun pruvolta 33%,"dehan nia liuhosi audénsia públika ba proposta OJE 2022 ho Komisaun C trata asuntu finansa públika no Komisaun  E infraestrutura iha PN, sesta (5/11).

Haree husi  totál orsamentu 33% ne'e sofre redusaun, no kuaze millaun US$80.2 husi dotasaun orijinál 2020 ka 32% husi millaun US$74 husi orsamentu raktifikativu 2021.

Tanba ne'e montante orsamentu U$160,431.417 ne’e sei aloka ba finansia programa lima, sub-programa 11 no atividade 40, 

Ba programa hirak ne'e mak hanesan Programa Estrada, Pontes, Kontrolu no Seias, nomós Konstrolu Kualidade konstrusaun sivíl, hetan 20% husi totál alokasaun orsamentu ho valór millaun US$32.8 resin, inklui programa Dezenvolvimentu Rurál no Urbana, hetan alokasaun 2% husi totál orsamentu alokadu ho valór millaun US$3.7 resin.

Aleinde programa Boa Governasaun no Jestaun Institusionál, hetan alokasaun 11% husi totál orsamentu alokadu ho valór millaun US$16.9 resin, inklui Programa Agua np Saneamentu, ne’ebé mós enkaixa iha Boa Governasaun, hetan 11% husi totál orsamentu alokadu ho valór millaun US$17 resin.

Enkuantu programa ikus liu mak Eletrisidade, ne’ebé enkaixa mós iha Boa Governasaun, hetan kuaze 56% husi alokasaun husi orsamentu alokadu ho valór millaun US$90.

Ho proposta OJE 2022 nian ne’ebé aloka ba Ministériu Obras Públika ne'e sei fahe ba kategória Saláriu i vensimentu hamutuk 2%, Bens no Servisu totál 16%, Kapitál minór 1%, Kapitál Dezenvolvimentu 14%, no Transferénsia Públikas 67%.

Projesaun reseita ba 2022 mak Diresaun Nasionál Peskiza no Laboratoriu Nasionál rihun US$50, ba Bee Timor-Leste Empreza Públika (BTL,E.P) rihun $250, ba Eletrisidade Timor-Leste (EDTL,E.P) millaun $40, ba Diresaun Nasionál rihun US$25, ba Institutu Jestaun Ekipamentu (IJE) rihun US$100.

Durante iha audésia, MOP mós aprezenta relatóriu ezekusaun Orsamentu Jerál Estadu (OJE) tinan fiskál 2021 nian ba deputadu sira husi membru komisaun C no E. Purtantu Totál OJE tinan fiskál 2021 ne’ebé ezekutadu hamutuk 95,1%. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter